Hurşe Gurdal ku di şerê zêdetirî 50 salan de kur û hevjînê xwe winda kir, bertek nîşanî operasyonên tevî pêvajoyê jî tên kirin da û got: “Her ku em dibêjin aştî ew di şer de israr dikin. Êdî bes e, bila vî şerî bidin sekinandin û ji bo aştiyê gav biavêjin.”
Bi îdiaya endamtiya PKK'ê ku xwe fesix kiriye, 7 sal cezayê hefsê dan Hevserokê DEM Partiyê yê Rihayê Nîhat Demîrbîleklî. Demîrbîleklî, wiha bertek nîşan da: "Madem dê aştî çêbibe, wê demê çima hêj ceza didin siyasetmedaran?"
Şewata li qada daristanê ya li dora Keleha Mêrdînê derketibû, hate vemirandin.
Di dema lêgerîna li qawîşan a li Girtîgeha Tîpa F a bi Ewlekariya Bilind a Boluyê de pirtûkên girtiyê nexweş Civan Boltan hatin desteserkirin û bi îdiaya “propagandaya rêxistinê” 11 roj cezayê hucreyê lê hate birîn.
Mamosteyê bi navê Sadun Vural, li dibistaneke amadehî ya Silopiyayê di dîrokên cuda de tacîza zayendî li 6 xwendekaran kir. Tevî rêzesûcên vî şexsî li dijî zarokan kiriye jî, salek piştre hate berdan. Midûriyeta Perwerdeya Neteweyî jî tenê bi dûrxistina ji peywirê bisînor ma.
Endamên Meclisa Dayikên Aştiyê ya Êlihê, destnîşan kirin ku şerê Îsraîl-Îranê çareseriya pirsgirêka Kurd a bi rêyên demokratîk neyînî bandor dike û ji bo çareseriya pirsgirêkê bangî dewletê kirin.
Zêdetirî 35 sal in navçeya Elbakê ya Wanê hêştir tên xwedîkirin. Ji kesên hêştiran xwedî dike Cem Aybar diyar kir ku avhewaya sar û hişk ji bo xwedîkirina hêştiran baş e û hêştirên bipûrt dikarin di her avhewayê de bijîn.
Dayika yek ji kadroyên pêşeng ên PKK’ê Cemîl Bayik, Rehan Bayik wefat kir.
Selman Gunbat ê ku di çarçoveya operasyona li dijî Şaredarê Esenyûrtê Ahmet Ozer de bi hinceta axaftina li ser têlefonê hatibû girtin, tehliye bû.
Danişîna doza rojnameger Mehmet Şahîn ku bi îdiaya “endamtiya rêxistinê” tê darizandin, ji bo amadekirina mutalaayê hat taloqkirin.
Di danişîna ewil a doz Hevserokê Konseya Bajêr a Wanê Fîkret Dogan de biryara tehliyeyê hate dayin.
Şaxa ÎHD’a Colemêrgê ji bo girtiyê nexweş Giyasettîn Sevmîş daxuyanî da û got: “Divê hemû girtiyên nexweş bên berdan.”
Dema artêşa Îsraîlê tesîsên nukleerî yên li Îranê bombebaran dikir, nexweşxaneyek bû hedefa fuzeyan. Îsraîlê ferman da ku êriş bên zêdekirin.
Serokê Meclisa Penaberan a Konseya Bajar a Konakê Mete Husunbeyî diyar kir ku şer rê li ber koçberî û nîjadperestiyê vedikin û got: “Di van şerên Rojhilata Navîn de ji bo pêvajoya aştiyê em tevek divê tişta ji dest tê bikin.”