Li navçeya Berwarî ya Sêrtê polîsan di 11'ê hezîranê de bi ser mala dayika 56 salî ya nexweşiya astimê Reyhan Temel de girtin û piştî hefteyekê di bin çavan de hiştin girtin û şandin girtîgehê. Heyeta dadgehê ligel ku kurê Reyhan Temel ê HPG’î jiyana xwe ji dest dabû jî pirsa "Tu li gel wî hevdîtin dike ya na" pirsî. Dîsa heyetê pirsa "Kodê te çiye? pirsî.
Danişîna doza 2 jê girtî 16 kesên ji doza Gezî tên darizandin didome. Di danişînê de Yîgît Aksakoglu parastin kir û got: "Armanca vê îdîanameyê ewe ku civaka sivîl krîmînalîze bike ye. Ez şevekê jî di nava bûyerên Gezî de nemam. Ger ku min zanîbûya ezê 220 rojan di hucreyê de bimînim, ezê herî kêm şevekê li wir razama."
Li Amedê qamyoneke ka lê barkirî qelibî û 7 kes birîndar bûn.
Polisan bi ser mala Rêveberê DBP'ê yê Amedê Hayrî Etyemez de girt û ew binçav kirin.
Komîsera Bilind a Mafên Mirovan a Neteweyên Yekbûyî Michelle Bachelet, diyar kir ku bi deh hezaran DAIŞ'î û malbatên wan li Kampa Hol tên girtin û got: "Ji bo ev kes bi awayekî adîl bên darizandin divê dewletên têkildar erk û berpirsiyaıriya xwe pêk bînin.
Ciwanê ku duh li Cizîrê ji bo hênikbûnê ketibû Çemê Dicleyê û bi avê re çibû he jî nedîtine.
Danişîna karsaz Osman Kavala û Yigît Aksakoglu jî di nav de ku girtî ji Doza Geziyê tên darizandin li Silîvriyê dest pê kir.
Serokê YSK’ê Sadî Guven encama hilbijartina Stenbolê ya dubare bû eşkere kir.
lijneya Rêveberiya Navendî ya KESK'ê têkildarî encama hilbijartina Stenbolê daxuyanî da û diyar kir ku rejîma yek zilamî hejiya ye û wigot :"Di hilbijartina 23'ê Hezîranê de li dijî împaratoriya tirsê serketin bi têkoşîna yekbûyî pêkan e.
Li Farqînê zarokekî 5 salî di bin wesayîtê de ma û jiyana xwe ji dest da.
PEN’a Kurd 10’emîn Kongreya xwe li dar xist. Di kongreyê de zimanzan û nivîskar Samî Tan û nivîskar Aslihan Yildirim wek hevserokên PEN’a Kurd hatin bijartin.
Polîsan li navçeya Rezanê bi ser malekê de girt û Samya Emsen a 67 salî ku nexweşa astimê ye bi dafdanê xistin erdê. Kurê wê Ersîn Emsen jî binçav kirin.
Li gorî encamên ne fermî yên ku Lijneya Hilbijartinê ya Bajêr ragihand di Hilbijartina Şaredariya Bajarê Mezin a Stenbolê de Ekrem Îmamoglû 4 milyon û 741 hezar û 868 dengan û Bînalî Yildirim jî 3 milyon û 935 hezar û 453 dengan girtiye.
Li taxa Hilêliyê ya bajarê Qamişlo motorsêklêteke bombekirî teqiya û sivîlek bi sivikî birîndar bû.