Hevserokê Giştî yê DEM Partiyê Tuncer Bakirhan têkildarî mutebeqeta di navbera HSD’ê û Hikûmeta Demkî ya Sûriyeyê de hatiye îmzekirin axivî û wiha got: “Ev mutebeqet di heman demê de li gorî banga birêz Ocalan e.”
Hevseroka Giştî ya DBP’ê Çîgdem Kiliçgun Uçar, got: “Em mizgîniya azadiyê bi banga ‘Aştî û Civaka Demokratîk’ mezintir bikin.” Hevsrokê Giştî yê DEM Partiyê Tuncer Bakirhan jî got: “Em stranên xwe yên azadî û aştiyê bigihînin Îmraliyê.”
Hevberdevkê HDK’ê Alî Kenanoglû Deklarasyona Newrozê li Stenbolê xwend û got: “Cewhera Newrozê îradeya gelan a jiyana bi hev re, azad û wekhev e. Newroz îfadeya ziman, reng û baweriyên cuda ye ku li ser jiyaneke wekhev û hevpar dicivin.”
Parlamenterên DEM Partî û CHP’ê jî di nav de bi daxwaza rakirina parêzbendiyan, der heqê 9 parlamenteran de ji Meclisê re fezleke hatin şandin.
Navenda Ragihandina HSD’ê diyar kir ku êrişên dewleta tirk û koma wê ya paramîlîter SMO’yê yên li ser Tişrîn, Sirîn û Qereqozaqê zêde bûne.
Parêzerên Buroya Hiqûqê ya Asrinê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Welatên Ereban piştgirî dan peymana di navbera HSD’ê û Hikûmeta Demkî ya Sûriyeyê de hatiye îmzekirin.
Rêveberê Nivîsgeha Ragihandinê ya HSD’ê Ferhat Şamî têkildarî peymanê axivî û got: “Armanca me rawestandina şer e û dixwazin xelkê Efrîn û Girê Spî dîsa vegera ser xaka xwe.”
Dayikên Haci Lokman Bîrlîk, Cemîle Çagirga û Hacer Aslan ku di qedexeya derketina kolanan de hatibûn qetilkirin, wiha gotin: “Abdullah Ocalan berpirsyartiya xwe bicih anî. Niha dora dewletê ye.”
Di deklarasyona Newroza 2025’an de ku li Amedê hate aşkerakirin, wiha hate gotin: “Newroza îsal Newroza parastina vîna azadî û aştiyê ya Rêberê Gelan birêz Abdullah Ocalan e.”
Bafil Talabanî diyar kir ku ew piştgiriyê didin peymana di navbera HSD û Hikûmeta Demkî ya Sûriyeyê de û anî ziman ku ew ji her gava ji bo parastina mafên gelên Bakur û Rojhilatê Sûriyeyê tên avêtin bihêvî ne.
Berdevkê Têkiliyên Karên Derve yê PYD’ê Salih Muslim, têkildarî 8 xalên peymanê wiha got: “Hem ji bo Elewiyan hem jî ji bo Durzî û Êzidiyan destkeftiyeke mezin e. Bêyî ku ferq û cudahî di navbera komên olî û neteweyan de were kirin, her kes dê wekhev bên dîtin.”
Hevserokê Şaxa OHD’a Stenbolê Îshak Demîrel diyar kir ku divê biryara “Mafê hêviyê” ya der heqê Abdullah Ocalan de bê cîbicîkirin û got: “Mafê hÊviyê, yek ji hîmên bingehîn ên pêvajoyê ye.”
Ji rojnamevan Nazim Babaoglû ku ji bo nûçeyê çûbû Sêwregê û careke din venegeriya, 31 sal in agahî nayê girtin. Di vê pêvajoyê de ne li aqûbeta Babaoglû hat pirsîn ne jî kiryar hatin dîtin. Bira Cemal Babaoglû got: "Em piştgiriyê didin banga Rêberê Gelê Kurd Abdullah Ocalan a ji bo çareserkirina pirsgirêka kurd. Nazimek çû, lê bila Nazimên din neçin."
Di çarçoveya lêpirsîna li dijî şaredariyên Sariyer û Şîşliyê yên CHP’î de 32 kes hatin binçavkirin.