Abdullah Ocalan ku nameyeke di nav de kulîlkek jî hebû ji Akademiya Jineolojiyê re şand, di namaya xwe de got; “Projeya min a nîvco maye, bi Jineolojiyê re jî meşiya.”
Hevserokê Giştî yê Partiya Wekheviya Gelan û Demokrasiyê (DEM Partî) Tûncer Bakirhan, li bajarê xwe yê Qersê beşdarê bernameya cejnê bû. Bernameya cejnê li avahiya DEM Partî ya Qersê pêk hat, Serokwekîla Koma DEM Partî Gulistan Kiliç Koçyîgît jî beşdarê bernameyê bû.
Abdullah Ocalan di hevdîtina bi malbatê re peyama "Ez Cejna Qurbanê bêyî qurban li gelê me pîroz dikim. Hemû gelê me silav dikim" şand.
Abdullah Ocalan piştî 26 salan cara yekemîn di serdana cejnê de bi biraziyên xwe yen zarok re hevdîtin pêk anî.
Di encama qezayên trafîkê ku di 3 rojên Cejna Qurbanê de rû dane 26 kesan jiyana xwe ji dest dan.
Li Îmraliyê Abdullah Ocalan û 6 girtiyên dîtir bi munasebeta cejnê bi malbatên xwe re hevdîtin pêk anîn.
Girtiyê 30 salî Mehmet Bahattîn Oncu yê ku li Girtîgeha Bodrûm Tipa S'yê dimîne, berdana wî bi hinceta "rewşa wî ne baş e" hate astengkirin û berdana wî ji bo 6 mehan hate dirêjkirin.
Dadgeha Herêmî ya Edeneyê biryara dadgehê ya der barê 3 kesên ku bi çekan êrîşî buroya HDP'ê ya navçeya Yûregîrê kirin de red kir û îdîa kir ku sûcê 'gefa bi çekê' ya li dijî Hevserokê HDP'ê yê Navçeya Yûregîrê Dûrmaz Ozmen pêk nehatiye.
Ji Bendava Xernekê ya li çemê Karasû yê navçeya Payîzava ya Wanê bi armanca avdanê hatiye çêkirin lê ji ber ku avê nadin gundiyan bax û baxçeyên 20 gundan ji ber nebûna avê ziwa bûn. Gundiyan diyar kirin ku ew nikarin bi çandinî yan jî sewalvaniyê re mijûl bibin û ragihandin ku piştî Cejna Qurbanê ew ê dest bi çalakiya protestoyî bikin.
Tundiya li ser kedkarên tenduristiyê û koçberî her diçe zêde dibe, nexweş neçar dimînin bi mehan li benda tedawiyê bimînin. Pisporên tenduristiyê destnîşan kirin divê xizmeta tenduristiyê bi wekhevî, berdestî, bêpere, bi zimanê dayikê, bi qalîte bê dayîn.
Li Stenbol û Enqereyê ji bo girtiyên nexweş ên giran Hasan Ruzgar û Kerîm Boran daxuyanî hatin dayîn û banga tehliyeyê hat kirin.
DEM Partî di roja duyemîn a Cejna Qurbanê de bi gel re civiya. Di çalakiya li Wanê de Pervîn Bûldan axivî û got, "Em ji vê pêvajoyê bawer in. Ji ber ku Birêz Ocalan heye û em bi wî bawer in."
Xizmên windayan li Amed, Êlih û Colemêrgê çalakî lidarxistin û gotin: "Ger aştî pêk were bila hestiyên me bidin me, da ku goreke me jî hebe."