Derhêner Emîn Alper diyar kir ku bendewariya wan ji vê pêvajoyê vekirina rêyên siyasetê ye û got: "Wekî ku hûn dizanin, nemaze heke ji tevgera kurd re were gotin 'çekê deynin', bê guman li hember vê bendawariya civakê jî ew e ku soza vekirina rêyên siyasetê bê dayîn."
Rêveberên komele û saziyan bal kişandin ser polîtîka û helwestên li dijî Kurdî û gotin: "Kurdî xeta sor e. Ji niha û pê ve, ne pêkan e ku em dest ji zimanê xwe berdin. Bersiva herî baş a li dijî qedexe û êrişan, li her derê axaftina bi Kurdî ye."
Rêberê Gelê Kurd Abdullah Ocalan ji bo civaka Êzidî peyamek şand û got: “Ez ê dest ji hesabpirsîna kesên komkujiya dawî pêk anîne bernedim.”
Li Mîthat Yilmaz ê di dema şîna rojnameger Nazim Daştan û Cîhan Bîlgînê de dirûşma “Şehîd namirin” berz kirî 10 meh cezayê hefsê hate birîn.
ÎHD, ÇHD, OHD’ê dan zanîn ku rewşa Serkan Onur Yilmaz ku bi daxwaza girtina girtîgehên bi tîpa S. Y. R û bi ewlekariya bilind dest bi rojiya mirinê kiriye, roj bi roj girantir dibe û banga qebûlkirina daxwaza Yilmaz kirin.
Platforma Parastina Bajar û Piştevaniyê ya Amedê bertek nîşanî cezayê pereyan ê ji ber reklama bi Kurdî li Amedsporê hatiye birîn da û bang li îktîdarê kir ku ji bo pêşîlêgirtina vê polîtîkaya cihêkar gavan biavêje.
Baroya Amedê, OHD û TUAY-DER’ê rapora xwe ya sê mehan a têkildarî binpêkirinên mafan ên li girtîgehan aşkera kirin û gotin ku ji mafê tenduristiyê heta yê jiyanê gelek binpêkirin li girtîgehan bênavber didomin.
Rewşa civaknas Îsmaîl Beşîkçî ku xwîn çûbû ser mejiyê wî, roj bi roj ber bi başiyê ve diçe.
Navenda Ragihandinê ya HSD’ê diyar kir ku hêzên wan li bajarokê Dernicê yê Dêrazorê fermandarekê DAIŞ’ê girtine û di operasyonê de endamekî wan jiyana xwe ji dest daye.
Serokwekîlê Koma DEM Partiyê Sezaî Temellî diyar kir ku hevdîtina bi Îmraliyê re ji bo pêvajoyê diyarker e û got: “Divê tavilê zemîna mizakereyên bi sermizakerevan re bê avakirin.”
Biryara “nepeniyê” ya li ser lêpirsîna têkildarî avêtina 2 gundiyan a ji helîkopterê ev 5 sal in nehatiye rakirin. Parêzer Hamît Koçak, got: “Li şûna ku li pey faîlên esasî bikevin, serî li îfadeyên hemû personelên wê demê li Fermandariya Cendirmeyan a Bajar dixebitîn didin. Heke encameke adilane dernekeve em ê serî li DMME’yê bidin.”
Hêzên paramîlîter ên girêdayî Tirkiyeyê li Efrînê welatiyekî Êzidî yê 70 salî revandin.
Baroya Amedê bertek nîşanî çalakiya Koleja Diyarbarkirê ya TED’ê ku fermana Karamanoglû Mehmet a “Zimanên ji bilî Tirkî qedexe dike” bi zarokan da xwendin, da û got: “Parastin û pêşxistina mafê zimanê dayikê, ji bo aştiya civakî û xurtkirina demokrasiyê jêneger e.”