Hewldana Civakî ya ji bo Aştiyê ji bo aştiyeke rast û mayinde banga destpêkirina pêvajoya muzakereyan kir û got: “Divê hemû kesên aştîxwaz û demokrasîxwaz bi hemû derfetên xwe mudaxilî vê pêvajoyê bibin.”
DAÎŞ’ê di sala 2015’an de dema mîtîng dihat lidarxistin li Gara Trenê ya Enqereyê êrîşa bombeyî pêk anî û kesên ku hatin qetilkirin di meha 112’emîn de hatin bibîranîn.
Nameya Alî Îhsan Dost a ji Rêberê PKK’ê Abdullah ocalan re nivîsandibû hatibû desteserkirin. AYM’ê got ku sedemeke şênber a desteserkirina nameyê nehatiye nîşandan û got: “Mafê azadiya agahîgirtinê hatiye binpêkirin.”
Şandeya DEM Partiyê ya Îmraliyê ji bo hevdîtina bi Mesûd Barzanî, Nêçîrvan Barzanî û Bafil Talabanî dê biçe serdana Herêma Federe ya Kurdistanê.
Di îdianameya rojnameger Necla Demîrê de bernameyên têkildarî tundî û binpêkirinên mafên jinan weke sûc hatin nîşandan. Ji bo Xwediyê Produksiyona Medya Guncelê Welat Ekîn jî îdiaya “rayedarê Medya Haberê” hat kirin.
Şertê kontrola edlî ya rojnameger Semra Turan û Melîke Aydin hate rakirin.
Walîtiya Şirnexê, Herêma Besta û çiyayên Cûdî û Gabarê jî di nav de ku talankirina xwezayê lê didome, 11 herêm bi hinceta “ewlehiyê” qedexe kir.
Danişîna doza nûçegihanên MA’yê Semra Turan û Tolga Guney û nûçegihana JINNEWS’ê Melîke Aydin ku bi îdiaya “endamtiya rêxistinê” tên darizandin, dest pê kir.
Rojnameger Azîz Koyluoglû ji hela dewleta tirk ve bi SÎHA’yan hate qetilkirin. Rojnameger Bêrîtan Zagros ku hevala Koyluoglû ya xebatê ye, diyar kir ku rojnamegerên Kurd serdestiya psîkolojîk a dewletê têk dibin lewma hedef tên girtin û got: “Lewma tolê ji Çapemeniya Azad dihilînin.”
Meclisa Jinan a DEM Partiyê û nûnerên rêxistinên jinan li Meclisê daxuyanî dan. Jinan, diyar kirin ku polîtîkayên AKP’ê ji bo bênasnamekirina jinan e û gotin: “Em polîtîkayên ku jinan wek kirdeya jiyanê nabînin red dikin.”
Hejmara 269’an a Rojnameya Xwebûnê bi manşeta “Çav li Ocalan in” derket.
Rojnameger Zana Denîz diyar kir ku li dijî êrişên dewleta tirk û koma wê ya paramîlîter SMO’yê yên li ser Bendava Tişrînê berxwedaneke mezin tê raberkirin û got: “Gel, ax, av û ceyrana xwe diparêze.”
Hevseroka Giştî ya DEM Partiyê Tulay Hatîmogûllari diyar kir ku Abdullah Ocalan bi şev û roj 26 sal in di hucreyeke 12 metrekareyê de ji bo van rojan xebitiye û got: “Em ê bi hev re welatekî azad û demokratîk ava bikin.”
Di konferansa HDK’ê ya “Di rêya jiyana wekhev û azad a gelan de, çareserî aştî ye” de hat diyarkirin ku çarseriya pirsgirêka Kurd bi hevrûbûna bi heqîqetê re û destpêkirina tevgera muzakereya civakî pêkan e.