Ji fermandarên YPJ'ê Rojda Kaxre bal kişand ser êrişên Tirkiyeyê yên li ser Bakur û Rojhilatê Sûriyeyê û got: "Em li dijî DAIŞ'ê bi ser ketin, me jin rizgar kirin. Çawa ku DAIŞ ji Arîn Mîrxanan tirsiya, Tirkiye jî ji Zîlanan ditirse. Em jî wekî jinên ku mîrateya wan dewr girtiye, em ê têkoşîna xwe bidomînin. Em ji bo jinên cîhanê têdikoşin."
Endama KJAR'ê Rojîn Mukriyaniyê diyar kir ku 'jin, jiyan, azadî'yê rê li ber tevgereke şoreşgerî ya ji neteweyê wêdetir vekir û got: "Em dizanin ku tovên vê fikra şoreşger ji zû de aj dane. Lê divê mezintir bibin."
Endamên Piştevaniya Morê ji bo çalakiya 25’ê Mijdarê ya li Îzmîrê bang kirin û diyar kirin ku wê li dijî êrişên desthilatdariyê têkoşînê mezin bikin.
Bi boneya 25’ê Mijdarê ji jinên girtî re qert hatin şandin û bi çêkirina zincîra mor navên jinên hatin qetilkirin hatin xwendin.
Li navçeya Çayirovayê Bahrî G. yê hevjîna xwe Kezban G. qetil kir, kurê xwe Salih G. jî bi giranî birîndar kir û reviya.
Endama KGB’ê Selîn Tok diyar kir ku têkoşîna jinan li her çar aliyên cîhanê mezin dibe û wiha got: “Me dest bi amadekariyan kir. Li dijî girtina kolanan, em ê îsal hêj qelebalixtir derkevin her kolanê.”
Dêngbêjên jin di çarçoveya çalakiyên 25’ê Mijdarê de vê carê kilamên xwe ji bo jinên têkoşer gotin.
Berdevka Meclisa Jinan a HEDEP'ê Halîde Turkoglû ya li ber Kampusa Girtîgeha Sîncanê starta 25'ê Mijdarê da, diyar kir ku êrişên AKP'ê û MHP'ê yên li dijî jinan veguherîne pergalekê û anî ziman ku li dijî vê yekê dê li her derê têbikoşin.
Li Wanê jinan di çarçoveya aktîvîteyên 25’ê Mijdarê ji jinên girtî re name şandin.
Endama Platforma Jinan a Îzmîrê Sîbel Orkmez, ji bo tevlİbûna meşa şevê ya 25’ê Mijdarê bang li jinan kir û got: “Ji bo faşîzma ku sazîbûna xwe ava kiriye dê îsal mijara me ‘rêxistinbûn’ be. Em hemû jinan di 25’ê Mijdarê de vedixwînin pêşiya Leman Kulturê.”
Nivîskar û aktîvîst Anne Ohne destnîşan kir ku di salên dawî de di Qraltiya Yekgirtî de tundiya li dijî jin û zarokan zêde bûne û got: “Heya ku hemû jin azad nebin, dê tu jin azad nebe.”
Weqfa Paul Grunîngerê “Xelata Mirovayî û Wêrekiyê” da Berdevka TJA’yê ya berê Ayşe Gokkan.
TJA’yê li herêma Botanê û Wanê starta çalakî û xwepêşandanên 25’ê Mijdarê Roja Têkoşîna li Dijî Tundiya Ser Jinê ya Navneteweyî da.
Aktîvîst Laurie Debeni destnîşan kir ku piştî qanûna qedexekirina kurtajê, di maha çileya sala 2021'ê de li Polonyayê kete dewrê, bi sedan jin jiyana xwe ji dest dan. Debeni da zanîn ku pergala desthilata zilam ji çareseriyê dûr e û ev peyam da jinên cîhanê: “Em ê cîhanê biguherînin. Em xurt tev li bibin, têkoşînê bidomînin.”
Xelata ku ji aliyê weqfa ji bo bîranîna Paul Grunînger ê Swîsreyî ku bi xebatên xwe yên li ser mafên penaberan û parastina penaberan tê naskirin, îsal liyaqî Ayşe Gokkanê hat dîtin.