Li gundê suryaniyan ê Hesena yê navçeya Silopyayê talankirina daran a di bin kontrola leşkeran de ku duh dest pê kiriye didome. Hat destnîşankirin ku leşkerên ku daran dibirin ji welatiyan re gotine: “Dixwazin qebûl bikin dixwazin qebûl nekin, em dê daran bibirin.”
Aktîvîstê Ekolojiyê Mûrat Bîlgîç têkildarî talankirina xwezaya Kurdistanê û herê dawî darên ku li Şirnexê tên birîn axivî û got: “Sazî û dezgehên netewî û navnetewî wexta mijar dibe xwezaya Kurdistanê be kerr, kor û lal dibin."
Li navçeya Sokeyê agir bi daristanê ket û demekî kin berbelav bû. Şewata li Sokeyê ber bi saetên serê sibehê ve heta astekî hat kontrokirin.
Li Şirnexê lidijî talankirina xweza û birîna daran daxuyanîyek girseyî hat lidarxistin. Di daxuyaniyê de hat destnîşankirin ku bi vê talankirina xwezayê re mafê bi tevahî gel û zindiyan hatiye binpêkirin û banga xwedî derketina li xwezayê hat kirin.
Li Mêrsînê ji bejahî û hewayê ve ji bo ku agirê bi daristanê ketiye bê vemirandin mudaxile tê kirin.
Rêxistinên civaka sivîl ên Şirnexê ji bo protestokirina qirkirina daran a bajêr sibe dê daxuyaniyê bidin û banga tevlibûnê li her kesî kirin.
Li Herêma Bestayê dîmenên nû yên birîna daran ku bi destê cerdevanan di çavdêriya leşkeran de pêk tê, derketin holê. Di dîmenan de bê ka talankirina çawa tê kirin xuya dike.
Li daristana Taxa Seferîhîsar Beylerê agir derket.
Gundên Şamo û Zogar ên Xozatê di sala 1994’an de hatibûn valakirin û par jî agir bi van gundan ketibû. Ev zêdetirî meheke jî li van gundên navborî dar tên birîn.
Hat gotin keyayê gundê Gundik ê bi ser navçeya Kercewsê ve bi hêceta “gur li sewalên wan dixe” ji bo birîna bi hezaran daran beramberî pereyan bi şirketekî re li hev kiriye.
Serokê Komeleya Çand û Parastina Jiyana Xwezayî ya Nurhakê û Gundên Derdorê Alî Bîdîk diyar kir ku ji bo çêkirina HES'a sêyemîn a li ser Çemê Goksû yê Nurhakê serlêdan hatine kirine û got: "Em ê Nûrhakê radestî kanên madenan û HES'an nekin."
Darên di bin kontrola leşkeran de bi destê cerdevanan li Çiyayê Cûdî û li herêma Bestayê tên birîn, li ser Facebookê tên firotin.
Parlamenterê HDP’ê Huseyîn Kaçmaz bal kişand ser qirkirina daran a li Şirnexê û wiha got: “Cerdevan û leşkerên payebilind bi hevkarî qirkirina daran didomînin. Di salên 90’î de bi hinceta ewlehiyê bi hezaran gundên me hatin valakirin. Leşkerên payebilind deverên ji bo birîna daran bi kêrî wan tên weke ‘herêma ewlehiyê’ radigihînin û li wir qira daran tînin.”
Seyê avî ku nifşê wê bi tunebûnê re rûbirû maye di Çemê Dîcleyê de hate dîtin.