STENBOL - Tevgera Ciwanên Kurd ji bo azadiya fîzîkî ya Rêberê PKK'ê Abdullah Ocalan bê bidestxistin, dê li paytexta Parîsa Fransayê, Dusseldorf a Elmanyayê û Zurîh a Swîsreyê dakevin qadan.

 

Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ragihandin ku, di çerçoveya pêngava “Cenga Azadiyê serbixin” de ji bo azadiya Rêberê Gelê Kurd Abdullah Ocalan wê li paytexta Fransa Parîsê, li Dusseldorf a Elmanyayê û li Zurîh a Swîsreyê dakevin qadan. 

 

Koordînasyonên TCŞ û TekoJIN'ê daxuyaniyeke hevpar dan û diyar kirin ku ev nêzî 28 meh in agahî ji Abdullah Ocalan nayê girtin û gotin, "Ciwanên Kurd ji azadiya fîzîkî ya Rêberê PKK'ê Abdullah Ocalan yekser berpirsyar in" û banga tevlîbûna xurt a beşdarbûna çalakiyan kirin.

 

Di daxuyaniyê de hat gotin, “Weke ciwanên li gelek welatên Ewropayê dijîn, divê em bi berpirsyariya dîrokî tevbigerin û vê pêvajoyê weke pêvajoyeke ku azadiya fîzîkî ya Rêber Apo misoger dike, binirxînin. Li ser vê bingehê wezîfeya me ya jêneveger e ku em her ciwanî bi rêxistin bikin û bixin nava liv û tevgerê”

 

Navnîşan û saetên çalakiyên ku wê di 29'ê Tîrmehê (sibe) de ji aliyê Tevgera Ciwanan ve bên lidarxistin wiha ne:

 

ELMANYA

 

Navnîşan: Li ber DGB Haus, Dusseldorf

Saet: 12:00

 

FRANSA

 

Navnîşan: Qada République, Parîs

Saet: 17.00

Navnîşan: Qada Canebière, Marsîlya

Saet: 19.00

 

SWÎSRE

 

Navnîşan: Helvetiaplatz, 8004 Zurich

Saet: 13.00