Siyasetmedar Bahattîn Gunel diyar kir ku Tifaqa Ked û Azadiyê dê li dijî pergala heyî muxalefeteke rast bike û got: "Teqez dê welêt bibe welatekî ku bindest, kêmnetewe û jin bi awayekî azad lê bijîn."
HDP, dê bi xebateke qadê ya di meha îlonê de ji 6 baskan pêk were, gava destpêkê ya hilbijartinê biavêje.
Zanyarê Siyasetê Ahmet Mûrat Aytaç diyar kir ku pirsgirêkên sereke yên Tirkiyeyê ji ber feraseta "vîna neteweyî ya tekparêz" e û ji bo Tifaqa Miletê ku dibêje polîtîkaya "serdestiya vîna neteweyî" jî got, siyaset dê nikaribe bibe projeya demokrasiya rasteqîn.
Serokê Giştî yê EMEP'ê Ercument Akdenîz diyar kir ku bi awayekî demokratîk çareseriya pirsgirêka kurd "rêgeza bingehîn" a Tifaqa Ked û Azadiyê ye û got, Yekîtiya Hêzê ya Sosyalîst jî di nav de dê hevdîtinê bi rêxistinên ciwan û jinan û sendîkayan re jî bikin.
Şandeya HDP'ê li Bajaroka Narli ya Mereşê ji aliyê welatiyan ve bi kêfxweşî hatin pêşwazîkirin û esnafan got ji bo demokrasî û wekheviyê divê ew bibin yek.
Cîgirê Hevserokên Giştî yên HDP’ê Serhat Eren diyar kir ku Wezîrê Dadê ji mirinên li girtîgehan berpirsyar e û bang li Wezareta Dadê kir ku ji bo binpêkirinên li girtîgehan bi dawî bibin bi lezgînî bikeve nava liv û tevgerê.
Serokkomarê AKP’î Erdogan ê navçeya Xelatê axivî, sînyala êrişa li ser Bakur û Rojhilatê Sûriyeyê da.
Berdevka HDP'ê Ebrû Gunay, bi lêv kir ku êrişên desthilata AKP'ê yên li ser Bakur û Rojhilatê Sûriyeyê "operasyona tasfiyeya kurdan e" û wiha got: "Heke derdekî Tirkiyeyê yê çareseriyê û aştiyê hebe, yekane tişta bike ew e ku ji axa Sûriyeyê derkeve."
Hevberdevkê Komîsyona Zarokan ê HDP'ê Huseyîn Kaçmaz, da zanîn ku di êrişên tebaxê yên li dijî Bakur û Rojhilatê Sûriyeyê de 8 zarokan jiyana xwe ji dest dane, 24 jî birîndar bûne û ev bang kir: "Divê li dijî êrişan her kes peywîra xwe bi cih bîne."
Li Wanê starta xebatên mîtînga ku dê bi minasebeta 1’ê Îlonê Roja Aştiyê ya Cîhanê bê lidarxistin, bi serdanên navçeyan hate dayîn.
Hevserokê Giştî yê DBP’ê Keskîn Bayindir ê li Çewligê axivî, bal kişand ser polîtîkayên qirkirinê yên desthilatê û bi lêv kir ku yekane hêza çareseriyê ya li ser vê axê Rêberê PKK’ê Abdûllah Ocalan e.
Hevseroka Giştî ya DBP'ê Salîha Aydenîz diyar kir ku ger azadiya fîzîkî ya Rêberê PKK'ê Abdullah Ocalan pêk bê dê pêşî li ber azadiyan bê vekirin û got, divê hemû derdor têkoşîna li dijî tecrîdê mezin bikin.
Endamê Komîsyona Edaletê yê HDP’ê Abdûllah Koç, xwest ji bo mirinên li girtîgehan diqewimin bên lêkolînkirin, komîsyonek bê avakirin.
Serokê Partiya Vatanê yê Giştî Dogu Perînçek û Ethem Sancak bi şandeyekê re ji bo hevdîtinên bi rayedarên payebilind re pêk bînin, dê biçin Sûriyeyê.
Serokê Fraksiyona YNK’ê Herêm Kemal Axa ragihand ku nabe ji ber ku aliyek hilbijartinê dixwaze, destûr were binpêkirin. Herêm Kemal da zanîn ku helwesta YNK’ê ya ji bo hilweşandina parlamento û hilbijartinek pêşwext jî heman helwesta Çarçoveya Hemahengiyê ye.