HDP’ê deklarasyona xwe ya helwestê ya li dijî qeyûman aşkera kir. Di deklarasyonê de HDP’ê destnîşan kir ku dê bi tu awayî dev ji destkeftiyên xwe yên ku di encama bedelên giran de hatine bidestxistin bernedin. HDP’ê banga hilbijartin pêşwext li îqtîdarê kir û ji partiyên muxalefetê jî xwest li dora vê daxwazê kom bibin.
Hevseroka Giştî ya HDP’ê Pervîn Bûldan a helwesta xwe ya li dijî tayînkirina qeyûman aşkere dike, wiha got: “Emanet û vîna gel rûmeta me ye, em ê teslîm nekin.” Hevserokê Giştî Sezaî Temellî jî, diyar kir ku ew ê vê rewşê rawestîn in û got: “Di 31’ê Adarê de me nîşanî tevahiya Tirkiyeyê da ku em ê bidin rawestandin.”
Rêxistina HDP’ê bi armanca nexşeya pêşerojê niqaş bike li hev kom bûn. Di civînê de Dayika Aştiyê Raîfe Ozbay bersîv da pêşniyara "Sîne-î Milet" û got: "Divê şêr cihê xwe ji rojiyan re bernedin."
Parlementera HDP'ê ya Edeneyê Tulay Hatîmogûllari, anî ziman ku Tirkiye bi êrîşên li ser Bakur û Rojhilatê Sûriyeyê dixwaze komên mîlîtarîst li herêmê bi cih bike û got: "Kî 'Artêşa Neteweyî ya Sûriyeyê' (SMO) fînanse dike?"
Parlamenterê HDP'ê Hişyar Ozsoy, diyar kir ku pirsgirêka Kurd bûye karakterekî herêmî û kurevî û wiha got: "Bi qasî kes nikare texmîn bike Kurd bûne yek. Hûn nikarin meseleyê li Suriyeyê, Moskovayê û Washingtonê çareser bikin. Tirkiye êdî nikare ji vê pirsgirêkê bireve û xwe bide alî. Pirsgirêka sed salan e û navê wê pirsgirêka Kurd e. "
Serokwekîlê Koma HDP’ê Sarûhan Olûç, diyar kir ku tayînkirina qeyûman pêvajoyek bi plankiriye û got: “Em ê li her qadê li dijî qeyûman têkoşîna xwe ya demokratîk dewam bikin.”
Hevseroka Giştî ya HDP’ê Pervîn Bûldan, di civîna Meclisa Jinan a HDP'ê ya Stenbolê de diyar kir ku qeyûm darbeya li dijî siyaseta jinê ye û wiha got: "Li dijî hişmendiya qeyûm tifaqa jinê pêwist e."
Rêxistinê HDP’ê têkildarî zextên darazê û tundiya li ser xwe daxuyanî dan û diyar kirin ku daraza bi îktidarê ve hatiye girêdan, dê rojekê di çirava ava kiriye de bixeniqe.
Berdevkê HDP’ê Gunay Kubîlay diyar kir ku dê partiya wan di civîna 20’ê mijdarê de ji bo pêvajo nû nexşerêya xwe diyar bikin. Kubîlay derbarê hevdîtina Erdogan û Trump de jî got: “Cihê çareseriyê ne Washington e, cihê çareseriyê Kobanê ye.”
Hevserokê Giştî yê PYD’ê Şahoz Hesen, têkildarî helwesta Serokê AKP'ê û Serokkomarê Tirkiyê Erdogan diyar kir ku Erdogan dixwaze bi hişmendiya Ixwan Mislimîn careke din Osmaniyan ji nûve bi rih bike û got: "Erdogan DAIŞ’ê ji bo vê armanca xwe bikar tîne. Dixwaze bi navên nû DAIŞ’ek fermî ava bike."
Parlamenterê HDP’ê yê Dîlokê Mahmût Togrûl bertek nîşanî binaçvkirina rêveberên HDP’ê yên li Dîlokê da û got: “Yên nikarin bi siyasetê me têk bibin bi rêya polîs û darazê dixwazin me têk bibin.”
Hevserokê Giştî yê HDP’ê Sezaî Temellî têkildarî qeyûmên tayînî şaredariyên wan hatine kirin got: “Îradeya gelê kurd bi tayînkirina qeyûman tune dihesibînin. Me di 31’ê Adarê de qeyûman paqij kir û qewirand, em ê vê carê bi qeyûman re desthilatdariyê paqij bikin û biavêjin.” Temellî ji Erdogan re got çareserî ne li Washington û Moskovayê ye, çareserî li Îmraliyê ye.
Wekîla Serokê Koma HDP’ê Fatma Kurtulan diyar kir ku ew ê dest ji têkoşîna li dijî qeyûman û têkçûna AKP’ê bernedin nû got: “AKP bi sepanên serwet û bêhiqûqiyê ketiya rewşa pêlîstoka DYA’yê.”
Hevserokê Şaredariya Bajarê Mezin ê Amedê Selçûk Mizrakli ji girtîgehê name şand û got: "Li holê ne bûyerek heye û ne jî şahidek heye. Hemû pergala edaletê di xizmeta yek partiyê de ye. Ez bang li raya giştî ya neteweyî û navneteweyî dikim ku ji bo avakirina edelatê em têkoşîna xwe mezin bikin."
Hevberdevka HDK'ê Gulistan Kiliç Koçyîgît, diyar kir ku hikûmet dixwaze bi şer ser krîza rêveberinê û hemû pirsgirêkên welat bigire û ev tişt got: "Dê bi damezrandina partiyên ku Davûtoglû û Babacan amadekariya wan dikin AKP bikeve pêvajiya jihevketinê. Ji bo vê yekê 4-5 mehên pêş diyarker bin."