Hevşaredarên Şaredariya Cizîrê Guler Tûnç Yerbasan û Abdurahîm Dûrmûş ku Amîrê Polîsan yê Şirnexê Şuayîp Ogdur gef li wan xwaribû û heqaret li wan kiribû, diyar kirin ku divê kesên tayinkirî rêzê li îradeya gel bigirin û gotin ku ew ê pêvajoyê navborî bişopînin.
Parêzer Ulaş Ertaş, 11'emîn Pakêta Darazê ya ku pêşkêşî Meclisê hatiye kirin û dê sibê li Komîsyona Edaletê were nîqaşkirin rexne kir û got: "Bi vê pêvajoya nû re, divê bi awayekî tevahî û bi Qanûneke Înfazê ya nû newekheviyên di qanûnên înfazê de werin rakirin."
Şam, yek ji bajarên herî kevnar ê cîhanê ye, ji her alî ve mîna bajarekî birîndar xuya dike. Li ser her avahîyekê, mirov dikare şopa çîrokeke ku ji ber şer nîvcomayî bibîne. "Jiyana asayî" ya ku ji erdnîgariyên din cuda ye, didome, nêrîna li ser Bakur û Rojhilatê Sûriyeyê dest bi guherînê kiriye.
Welat Esen ê ku piştî 31 salan ji Girtîgeha Ewlehiya Bilind (YGC) a Antalyayê hate tehliyekirin, li Îzmîrê bi çepik û tilîliyan hate pêşwazîkirin.
Tedawiya rojnamevan Huseyîn Aykol a li beşa çavdêriya awarte bi antîbiyotîkên nû didome.
Berdevka DEM Partiyê Ayşegul Doganê di hevdîtinên budçeyê yên li Meclisê de bal kişand ser zext û hewldanên provokasyonê yên li Şirnexê û got: “Li seranserî Şirnexê û bi taybet li Cizîrê em rastî hewldanên tundiyê tên.”
Dayika Aştiyê Aliye Tîmûr ku ji bo serdana xizmên xwe çûbû Herêma Federe ya Kurdistanê, jiyana xwe ji dest da.
Faîk Çîrîk ku li Girtîgeha Hejmar 1 a Tîpa T a Bandirmayê dihat ragirtin, piştî 30 salan hate berdan. Çîrîk, got: “Heta ku Rêbertiya me di Girtîgeha Îmraliyê de be em ê azad nebin.”
Civaknas-dîroknas Roger Griffin ku bi lêkolînên xwe yên têkildarî faşîzmê tê naskirin, diyar kir ku feraseta aştiyê ya di navbera Tirk û Kurdan de pêş dikeve ne tenê ji bo wan, ji bo tevahya cîhanê û mirovahiyê girîng e.
Bersûcê ji êrişa çekdarî ya li dijî Rojnameya Evrenselê dihat darizandin, di danişîna duyemîn de hate tehliyekirin.
DEM Partiyê bi boneya Roja Astengdaran daxuyaniyek da û got ku dê di roja yekşemê ya her meha gulanê de Meşa Rûmetê ya Astengdaran li dar bixe.
Rêveberiya Xweser, bi boneya salvegera dagirkirina Efrîn-Şehbayê ji hêla dewleta Tirk û komên wê yên paramîlîter ve daxuyaniyek da û got: “Sûriyeyeke nenavendî ku mafên hemû gelan hatine misogerkirin dikare were avakirin.”
Xeyala Zinar Altuntaş ê down sendromî ew bû ku di Beşa Antrenoriyê ya BESYO’yê de bibe yekemîn û ev xeyala xwe pêk anî. Xeyala niha ya Zinar jî ew e ku bi Amedsporê re bixebite.
Parêzerên dosyaya malbata li Qoserê hatiye qetilkirin diyar kirin ku hewldan heye qetilkirina endamên malbatê weke întîharê nîşan bidin lê derketiye holê ku cînayet e. Parêzeran, got ku medya weke magazînel nêz dibe û helwestekî nemirovî nîşan dide.