Li navçeya Silopiyayê her 7 jinên kurd ku di dîrokên cuda de hatine qetilkirin hatin bibîranin. Parlamentera HDP'ê Nûran Îmîr a di bîranînê de axivî wiha got: "Di kesayeta jinên pêşeng de dixwazin tirsê ava bikin û tekoşina me têk bibin. Lê ew nizanin ku tekoşina me ji tirsa wan mezintir e."
Bi pêşengiya TJA’yê rêxistinên jinan ên li Amedê bi armanca salvegera qetilkirina sê jinên li Silopiyayê daxuyanî dan û wiha gotin: “Dengê jinan ên li dinyayê bilind dibe dengê şoreşê ye.”
Ji Komîsyona Jin û Zarokan a Baroya Şirnexê Aycan Îrmez diyar kir ku serlêdanên wan ên bo tevlibûna dozên jinan her carê tên redkirin û wiha got: “Di van dozan de ji ber ku lêkolînên bibandor û lihevkirinên bibandor nayên kirin, gelek dosya tên girtin."
Parêzera KCDP’ê Îrem Esra Komurcu Altûn da zanîn ku biryara têkildarî hiqûqî dîtina vekişîna ji Peymana Stenbolê ji aliyan re nehatiye teblîxkirin û wiha got: “Hewl didin pêvajoya bêhiqîqî hatiye destpêkirin bi bêhiqûqiyê bi dawî bikin.”
EŞÎK, têkildarî pêşniyarqanûna ji bo dersokê ku li Meclisê hevdîtinê wê tên kirin çû serdana HDP’ê.
Girtiyan li dijî binpêkirinên mafan ên li Girtîgeha Jinan a Şakranê pêk tên, çalakiya greva birçîbûnê ya bidem û bidorveger a 10 rojan dane destpêkirin.
Endama KNK’ê Nîlûfer Koç a diyar kir ku Tirkiyeya nekarî bi DAIŞ'ê re serbikeve, hewl dide bi hedefgirtina jinên ku ji bo jiyaneke alternatîf pêşengiyê dikin ser bikeve û bal kişand ser girîngiya têkoşînê û got: “Evîn Goyî, tevkarî li pêşketina dîrokî ya 30 salan a felsefeya 'jin, jiyan, azadî' kir ku rejîma Îranê hejand.”
Li Silêmaniyê jinek jî beşdarî pêşbaziya wesayît û motosîkletan bû. Bi dehan mêrî êrişî vê jinê kirin.
Berdevka Meclisa Jinan a HDP'ê Ayşe Acar Başaran, diyar kir ku tevî hemû êrişên di sala 2022'yan paşve gav neavêtin û wiha got: "Em ê li dijî êrişan bersiva xwe ya herî xurt di sala 2023'yan de bidin, sala 2023'yan wê bibe sala ku em ê desthilata dijminê jinan têk bibin."
Hevjînê jina bi navê P.T. li navçeya Qelqeliyê, bi mebesta qetilkirinê êrişî P.T. kir û bi giranî birîndar kir.
Li Herêma Kurdistana Federe ku wezaretê parvekirina daneyên li ser tundî û komkujiyên li dijî jinan qedexe kiriye, li gorî nûçeya Rojnewsê di sala 2022'yan de herî kêm 54 jin an hatine qetilkirin an jî neçarî xwe kuştinê hatine kirin
Endama Koordînasyona Kongra Star Elîf Mihemed ragihand ku li Kantona Şehbayê ku 30 hezar kes lê dijîn, ji ber êrişên Tirkiyeyê û ambargoya hikûmeta Şamê di warê peydakirina dermanan, zexîre û ardû de bi pirsgirêkan re rû bi rû dimînin.
Hevalên Emîne Kara ku di encama êrişa li Parîsê de hate qetilkirin qala Kara kirin û wiha gotin: “Yek ji pêşengên Şoreşa Jinan a Rojava bû. Di avakirina sazî û dezgehên jinan de roleke mezin lîst û rê nîşanî me da.”
Jinan diyar kir ku armanca Komkujiya Parîsê ya 2'yan ew e ku peşkê li têkoşîna tevgera jina kurd bixe û ev peyam dan: "Dê têkoşîna me ya li dijî komkujiyê bi dirûşmeya 'jin, jiyan, azadî'yê bidome."