Cîgirê Serokê Giştî yê Partiya Yenîden Refahê Dogan Aydal ku ji bo tev li Tifaqa Cûmhûr bibe hatibû vexwendin got ku wan şertê betalkirina qanûna bi hejmara 6284’an ji AKP'ê re ragihandine û ji wan re jî ev bersiv hatiye dayîn: "Pirsgirêk nîne."
Hejmara duyemîn a Kovara Jin’ê ku her hefteyê di roja yekşemê de derdikeve, bi manşeta “Di rêvebirina karesatê de cihêkariya zayendî heye!” derket.
Şandeyeke jinan a ji Skotlandê serdana saziyên jinan ên bajarê Kobanê yê Bakur û Rojhilatê Sûriyeyê kir.
Jinan diyar kir ku di Meşa Şeva Femînîst a 8’ê Adarê de hêrsa li dijî desthilata AKP’ê derketiye holê û wiha gotin: “Jinên ji neteweyên bindest, bi taybetî jî kurd wê têkoşîna xwe ya neteweyî bilind bikin û hemû daxwazên xwe li qada Newrozê biqîrin.”
Hejmara nû ya Kovara Jineolojiyê ku li ser qada dijîtal hate weşandin, bi dosyaya “Birêxistinkirina Potansiyela Azadiyê: Tevgerên Civakî” derket.
Li Botanê jinên ku li dijî pergala mêrserwer têdikoşin, di hedefa darazê de ne. Hat diyarkirin ku di dema lêpirsînan de ji jinan re hatiye gotin ku "Li mala xwe rûnên, hûn jin in, herin ji xwe re jiyanekê ava bikin, derdê we çi ye?" Jinên bertek nîşanî van astengiyên li ber têkoşîna wan dan gotin ku ne yek, hezar doz bên vekirin jî dê dest ji têkoşîna xwe bernedin.
Xwendekara dibistana amadehî Nazî Alamdariyê diyar kir ku li Îranê di êrişên bi gazên jehrî yên li hemberî dibistanên xwendekarên keç de gelek kesan jiyana xwe ji dest daye û got ku hejmara rast nayê eşkerekirin.
Jinan bi boneya 8'ê Adarê li Taksîmê ji du milan ve Meşa Şevê ya Feminîst li dar xist. Jin, tevî hemû astengiyan jî xwe gihandin Taksîmê. Jinan bi dirûşmeyan barîkat derbas kirin.
Jinên ku bi pêşengiya Platforma Jinan a Dersimê li Kuçeya Hunerê li hev kom bûn, heya Qada Seyîd Riza meşiyan û gotin: "Me 8'ê Adarê bi kewgirî pêşwazî kir. Êşa giran e, em dilşikestî ne, lê hêrsa me zîndî ye."
Li gelek navendên Ewropayê jinên kurd bi boneya 8’ê Adarê Roja Jinên Kedkar ên Cîhanê bi dirûşmeya “Jin jiyan azadî, em dimeşin ber bi şoreşa jinê ve” daketin qadan.
Meşa DAKAP’ê ya 8’ê Adarê ji aliyê polisan ve hat astengkirin. Jinan bertek nîşan da û gotin: "Hê jî gel êşa xwe ya erdhejê ji bîr nekiriye, hê jî ji birînên erdhejê xwîn diherike. Dewlet li şûna ku mirovan rizgar bike, bi danîna barîkatan pêşî li jinan digire. Lê jin wê tu carî paşve gav neavêjin.”
Li Kobanê, Minbic û Tebqayê jinan bi dirûşmeya “Jin, Jiyan, Azadî ber bi Şoreşa Jinê ve” meşên girseyî li dar xistin.
Jinan li Rihayê bi minasebeta 8’ê Adarê serdana Nobeda Edaletê ya Emîne Şenyaşar kirin.
Jin, bi boneya 8’ê Adarê Roja Jinan a Cîhanê li gelek bajaran daketin qadan û wiha gotin: “Em soz didin ku dê ji bo hemû jinan jiyaneke wekhev û azad ava bikin. Em soz didin ku ji bo jiyanê jinûve ava bikin dê hev bidin jiyîn.”
Berdevka HDP’ê Ebrû Gunay di daxuyaniya 8’ê Adarê de li Mêrdînê axivî û got: “Em ê li dijî astengî, li dijî êriş û xemsariya dewletê bi dirûşma jin jiyan azadî re bi ser bikevin. Îro dem dema azadî, dem dema serkeftinê ye.”