Platforma Têkoşîna Jinên Bi Zorê Haitne Desteserkirin bi boneya 20'ê Hezîranê Roja Penaberan a Cîhanê daxuyanî da. Di daxuyaniyê de wiha hat gotin:"Em ê têkoşîna xwe ya ji bo jinên bi zorê hatine desteserkirin bidomînin. Em bi biryar in ku jiyaneke adil biafirînin."
Tevgera Jinên Azad (TJA), bi boneya Roja Penaberan bal kişand ser rewşa jinên penaber û got: "Divê hemû sazî û dezgeh bi awayekê zelal nêz bibin."
Xwişka Gulistan Doku Aygul Doku, anî ziman ku piştî xwişka wê hat windakirin, bavê bersûc Zainal Abarakov ê polîs Engin Yucel xwest meseleyê bincil bike û wiha got: "Em bawer dikin ku malbata Zanial xwişka min kuştine."
Jinên ku li zozanan hema bêje kar hemû li ser milê wan e anîn ziman ku dibe ku zor be lê li zozanan bêhna wan dertê û jiyana li vira nadin bi a bajaran.
Jinên siyasetmedar ên girtî ku li Girtîgeha Kandirayê girtî ne, peyamek şandin û piştgiriya "Tu ne bi tenê ye" dan Başak Demirtaş.
TJA'yê bi daxuyaniyek nivîskî êrîşên li ser Wargeha Mexmûr, Şengal û Qendîlê şermezar kir û banga hestiyariyê li Neteweyên Yekbûyî, sazî û dezgehên navneteweyî kir.
Endama Platforma Em ê Cînayetên Jinan Rawestînin Hîlal Sûsûz diyar kir ku di pêvajoya koronayê de kuştina bi guman a jinan zêde bûye û divê dewlet van kuştinan eşkere bike.
Meclîsa Jinan a HDP'ê ya Hatayê li Navçeya Dortyolê daxuyanî dan û diyar kirin ku dê ji bo jiyanek azad têbikoşin.
Li navçeya Nîlufer jina bi navê Serpîl Karataş ji aliyê hevjînê xwe ve hat qetîlkirin.
Meclîsa Jinan a HDP û aktivîstên TJA'yê, li Wanê bertek nîşanî mirinên jinan ên bi guman yên li Agiriyê rû didin dan. Parlamentera HDP'ê ya Agiriyê Dîlan Dîrayet Taşdemîr, diyar kir ku li dijî tundiya zilam tişta bê kirin piştevanî û têkoşîna jinê ye.
Jinan ji Muglayê ji bo "Li dijî darbeyan Meşa Demokrasiyê" ku HDP di 15'ê Hezîranê de bide destpêkirin, bang li her kesî kir ku tev li meşê bibin.
Meclîsa Jinan a HDP'ê di çarçoveya kampanyaya "Têkoşîna jinê li her derê ye" de Malên Gel ziyaret kir û peyama domandina têkoşîna bi hev re dan.
Berdevka Meclîsa Jinan a HDP'ê Ayşe Acar Başaran, bal kişan ser êrîşên li dijî jinan û got: "Li ku derê êrîş hebin, li wê derê bersiva herî mezin rêxistinbûyîna parastina çewheriye. Lewra, ji bo ku em rêxistinbûyîn û dengê xwe bilindtir bikin, em ê bêjin 'Jin li her derê ne.'"
Pişti Wezîrê Karên Hundir Suleyman Soylu got "Cînayetên li dijî jina kêm bûye" di nava 18 rojan de 16 jin hatin kuştin. Nûnerên rêxistinên Jinan diyar kirin ku piştî vê daxuyaniya Wezîr Soylu hêjmara kuştina jinan zêde bû.
Jin di çarçoveya kampanya "Têkoşîna jinan li her derê ye" ya Meclîsa Jinan a HDP'ê daketin qadan û vê peyamê dan: "Heke li dijî destkeftiyên me êriş hebin yê me jinan jî biryardariya têkoşîn û berxwedanê heye."