Platforma Yekitiya Jinên Kurd, her şeş jinên şoreşger ên kurd Cansiz, Dogan, Şaylemez ên li Parîsê hatibûn qetilkirin û Demîr, Ûyar û Nayirên li navçeya Silopiyayê hatibûn qetilkirin bi bîr anîn û wiha got: “Em ê wek jinên kurd têkoşîna wan her tim bidomînin û serî li ber serdestan netewînin.”
Her sê jinên ku li Parîsê hatin kuştin, li bajarên xwe û gelek bajarên din hatin bibîranîn. Berdevka Meclisa Jinan a HDP'ê Ayşe Acar Başaran ku li ser gora Fîdan Dogan axivî, got ku faîl ne ne dûr in li Enqerê ne.
Berdevka HDP'ê Ebrû Gunay, di bîranîna Sakîne Cansiz de diyar kir ku wê jin ji faîlan hesap bipirsin û ev tişt got: "Têkoşîna Sakîne ku li Girtîgeha Amedê li dijî Esat Oktay Yildiran serî rakiribû niha li her çar aliyê dinyayê ye."
Çalakiya rûniştinê ya malbata Gulistan Doku ya li ber Edliyeya Dersimê di roja 8’an de berdewam kir.
Xalê Sakîne Cansiz, Huseyîn Yildirim bi lêv kir ku fikrên Cansiz û hevalên wê şoreş ava kirin û wiha got: “Em li van nirxên ku Sakîne û rêhevalên wê afirandine, xwedî derkevin.”
Jiyan Tosûn a parêzera Garîbe Gezerê, bal kişand ser giliya wan a bi biryara neşopandinê bi dawî bû û destnîşan kir ku Girtîgeha Kandirayê ser sûc dinixumîne.
Parlamentera HDP'ê Feleknas Ûca, diyar kir ku faîlên 6 jinan li Parîs û û Silopiyayê kuştin li Enqerê ne û destnîşan kir ku bi komkujiya nasnameya jinê hedef hatiye girtin.
Di doza Ridvan Bayram ku Berîvan Bayram kuştibû de Daxistina "reftera qenc" hat pêkanîn.
Ji welatên cuda jinan ji bo balê bikişînin ser rewşa Aysel Tûglûk bi sernavê "Ji bo Azadiya Aysel Tûglûk 1000 Jin" kampanya îmzeyan dan destpêkirin.
Li navçeya Pamûkkaleyê Cafer Gulkaya, hevjîna xwe Safiye Gulkaya bi çekê qetil kir. Faîl, hat binçavkirin.
Li Rihayê bi pêşengiya TJA'yê 6 jinên kurd ên siyasetmedar li Rihayê hatin bibîranîn. Di daxuyaniya ku hat dayin wiha hat gotin:"Em ê heta dawiyê hesabên van komkujiyana bipirsin. Bi hêza em ji wan digirin em ê ala wan a serhildanê hilgirin."
Şerê azadiyê yê Sakîne Cansiz û hevrêyên wê Fîdan Dogan û Leyla Şaylemezê ku wekî mîrate hiştin, hê jî didome.
Malbata Gulistan Dokû ku 2 sal in agahî jê nayên girtin, ji Pira Dînar ku Dokû herî dawî lê hatibû dîtin banga “Gulistanê bibînin” kir.
Jinên ku aqûbeta Gulistan Dokû ya beriya 2 salan li Dersimê winda bû, pirsîn wiha gotin: “Ne 2 sal 2 hezar sal jî derbas bibin em ê dest jê bernedin.”
Li gorî çeteleya tundiyê ya meha Kanûnê ya 2021’an, 6 jê bi awayekî biguman, 25 jin hatin qetilkirin. Di nava sala 2021’an de jî 181 jê bi awayekî biguman, 311 jin hatin qetilkirin.