WAN - ÎHD'ê diyar kir ku li Wanê di 9 mehên salê de hezar û 495 binpêkirina mafan pêk hatine. Serokê Şaxa ÎHD'ê ya Wanê Mûrat Melet, diyar kir ku welat di nav aloziyê de ye û ji ber vê yekê xesar digihîje demokrasî û mafê mirovan.
Şaxa Komeleya Mafê Mirovan (ÎHD) a Wanê, li bînaya xwe civîneke çapameniyê li dar xist û rapora binpêkirina mafan a 9 mehên salê aşkera kir. Di raporê de gelek binpêkirinên cûda yên mîna pêkanînê qedexekirî yên têkildarî hilbijartin û bijartinê, binçavkirin, girtin, tecrîd, tundî, tundiya li jin û zarokan, mirinên bi guman, memeleya xeran û îşkence, binpêkirinên li girtîgehan, çapamenî, azadiya ramanê, aborî û mafên civakî derketin holê.
'ŞER XESARÊ DİDE DEMOKRASIYA TIRKIYEYÊ'
Di civînê de Serokê Şaxa ÎHD'ê ya Wanê Mûrat Melet axivî û diyar kir ku welat di nav aloziyê de ye û ji ber vê aloziyê gelek xesar digihîje demokrasî û mafê mirovan û wiha got: "Divê ku desthilat terka zimanê ku bi kar tîne bike. pêvajoya şer û pevçûnê xesareke mezin dide demokrasiya Tirkiyeyê. " Piştî axaftina Melet, Endamê Lîjneya Rêveberiya Navenda ÎHD'ê Kasim Kalkan rapora binpêkirina mafan a 9 mehan aşkera kir.
Kalkan diyar kir ku di 9 mehan de hezar û 495 binpêkirinên mafan tespît kirine û van binpêkirinan wiha rêz kir:
* Penaber û koçberên ku jiyana xwe ji dest dane: 31
* Mirin û birîdariyên ku li ser xeta sînor pêk hatin: 21 mirin û 96 birîndarî
* Jinên ku di nav malbatê de tundî li wan hat kirin: 1
* Zarokên ku di mav malbatê de tundî li wan hat kirin: 1
* Xwekuştinên bi guman ên jinan: 3
* Memeleya xerab û îşkenceya li girtîgehan: 6
* Memeleya xerab û îşkenceya li derveyî cihê binçavkirinê: 1
* Memeleya xerab û îşkenceya di bin çavan de: 15
* Kesên hatin binçavkirin: 396
* Kesên hatine girtin: 65
* Serdegirtinên malan: 282
* Penaber û koçberên ku hatine binçavkirin: 509
* Dozên ku li kesên nêrîna xwe şakera kirine hatine vekirin: 6
* Pêkanînên sewqkirinê yên li girtîgehan: 1
* Binpêkirinên tenduristiyê yên li girtîgehan: 5
* Binpêkirina mafê tenduristiyê: 1
* Astengkirinên hevdîtinên malbatan: 1
* Tecrît û îzolasyon: 4
*Kesên mafê wan agahdariyê hatine astengirin: 1
* Kesên ji kar hatine derxistin: 22 kişi