Di serdema qeyûm de ji bo pêşwazîkirina pêdiviya avê ya navçeya Gimgimê ya Mûşê, projeyek li ser Ava Spî hatibû pêşxistin. Bi vê projeyê re dê Ava Spî ku ji bo bawermendên Elewî avake pîroz e, ziwa bibe. Projeya behsa xeberê, bi pêşengtiya Komeleya Ekolojiyê ya Wanê hate protestokirin. Çalakî, li Geliyê Goşkarê ku Ava Spî tê re derbas dibe hate dayin. Komeleya Ekolojiyê ya Goşkarê û endamên Şaxa Komeleya Elewiyan a Demokratîk (DAD) a Mûşê jî tev li çalakiyê bûn. 

 

Serokê Komeleya Ekolojiyê ya Goşkarê Riza Altûn di çalakiyê de got: “Şaredariya me, di meha Hezîranê de mudaxileyî Ava Spî kir ku navenda me ya baweriyê ya pîroz e û li Geliyê Goşkarê ye. Di encamê de di xweza û navenda baweriya me de rê li ber texrîbatan vekir. Şaredariya me, hewl da projeya ziwakirinê ya di sala 2018’an de ji hêla qeyûm ve hatibû amadekirin bixe meriyetê. Komeleya Ekolojiyê ya Goşkarê, xelkê gund, saziyên şoreşger demokrat û hemû welatiyên me li dijî vê hewldanê derketin û ji bo paratina xweza, bawerî, çand û qada me ya hevpar a jiyanê bertekên demokratîk raber kirin.” 

 

Bi domdarî Altûn anî ziman ku pêvajoya heyî ji hêla civakî ve mirov diêşîne û wiha pê de çû: “Vê helwesta şaredariyên me ku em li bendê ne li dijî çand û baweriyên me hesas tevbigerin û gel weke nûnerên îradeya xwe dibînin, di nav me de rê li ber xemgîniyeke mezin vekir. Lêbelê di têkoşîna xwe de em ne bi tenê e. Wekîlên DEM Partiyê di demên krîtîk de mudaxile kirin. Bi piştevaniya hevalên di komîsyonên ekolojî û baweriyê yên DEM Partiyê de cih digirtin û ya Tevgera Ekolojiyê ya Mezopotamyayê ji bo demekî jî be ev sepana xelet hate sekinandin.” 

 

Altûn, got ku piştevaniya hatiye raberkirin hem ji hêla xwezayê ve hem jî ji hêla baweriyê ve destkeftiyeke û da zanîn ku ji bo proje bi temamî were betalkirin dê têkoşîna xwe bidomînin. 

 

Daxuyanî, bi çepikan bi dawî bû.