* Nûnerên pêkhateyên Platforma Saziyên Demokratîk, ji bo mîtînga ku dê li Êlihê ji bo azadiya fîzîkî ya Abdullah Ocalan bê lidarxistin, banga tevlibûnê kirin.
* Hevseroka PYD’ê Perwîn Yûsif, qala Hevrîn Xelef a ku berî 6 salan ji aliyê komên paramîltîter ên girêdayî Tirkiyeyê ve hatibû qetilkirin kir û got: “Heta kujerên hevrêya me Hevrînê neyên darizandin dê li Sûriyeyê edaletê kêm bimîne. Em ê tola hevrêya xwe Hevrînê bi avakirina Sûriyeyeke demokratîk ve hilînin.”
* Eskîşehir ku berê bi madenên zêr ên bisiyanûr di rojevê de bû, niha ji ber "elementên erdê yên kêmpeyda" dîsa bi gefan re rû bi rû ye.
* Parêzer Tugay Bek diyar kir ku lêpirsîna kuştina belavkarê rojnameyê Kadri Bagdû bi zanebûnî baş nehatiye lêkolînkirin û got: "Ev doz tenê bi nêzîkatiyeke wekî cinayeteke siyasî dikare were ronîkirin."
* Însiyatîfa Yekitiya Demokratîk, dê Konferansa Gelan, Baweriyan û Hevjiyana Demokratîk a li Mezopotamyayê li otêlekê li Mêrdînê li dar bixe.
* Tora Mafên Mirovan a Amedê, bi munasebeta Roja Zarokên Keçîn ên Cihanê, dê li Sumerparkê daxuyaniyê bide. (11.00)
* Şaredariya Bajarê Mezin a Amedê dê ji bo Mehmet Uzun bernameya bibîranînê li dar bixe. (11.00-18.00)
* Şaxa ÎHD’ê ya Amed, Êlih û Colemêrgê dê bi dirûşma “Bila winda bên dîtîn, kiryar bên darizandin” bi xizmên winda re daxuyaniyê li dar bixin. (12.00-14.00)
* Dayikên Şemiyê, ji bo pirsa aqûbeta xizmên xwe yên ku di bin çavan de hatine windakirin dê çalakiya xwe ya 1067’ân li Qada Galatasaray li dar bixin. (12.00)
* ÎHD’ê li Stenbol, Enqere û Îzmîrê dê ji bo ji bo balê bikşînin ser rewşa girtiyên nexweş dê daxuyaniyê li dar bixe. (13.00-14.00)
* Têkildarî lêpirsîna Rojîn Kabaîşê baroyên Amed û Wanê dê li gel malbata Kabîşê li Baroya Amedê daxuyaniyê bidin. (15.00)