AGIRÎ - Platforma Saziyên Demokratîk, xebatên xwe yên ji bo meşa aştiyê ku dê bi dirûşmeya "Ji Bo Civaka Demokratîk Deng Bide Aştiyê" bê lidarxistin, didomîne. 

 

Platforma Saziyên Demokratîk a Agirî banga meşa aştiyê û konserê ku dê bi boneya 1'ê Îlonê Roja Aştiyê ya Cîhanê were lidarxistin. Li Kolana Cumhuriyetê ya li Taxa Yavûzê standek hat danîn. Li standê belavok li welatiyan hatin belavkirin. Parlamenterê Partiya Wekhevî û Demokrasiyê ya Gelan (DEM Partî) Heval Bozdag, Hevşaredarên Şaredariya Agirî Hazal Aras û Mehmet Aliş û Hevşaredarê Şaredariya Giyadînê Adnan Dogan jî beşdar bûn û welatiyan vexwendin meşa aştiyê û konserê ku wê sibê were lidarxistin.

 

Meşa ku dê sibê saet di 17:00'an de li ber avahiya DEM Partî ya Agirî dest pê bike, dê ji Kolana Cumhuriyetê heta Baxçeyê Neteweyî berdewam bike. Piştî meşa aştiyê, dê konserek bi beşdarbûna hunermend Arhat were lidarxistin.