NAVENDA NÛÇEYAN - Civaknasê Amerîkayî Craig Calhoun bi peyamekê piştgirî da banga Abdullah Ocalan û got: “Ji dil hêvî dikim ku kesên bi dewleta Tirkiyeyê re ji bo aştiyê mizakereyê dikin, bi ser kevin.” 

 

Civaknasê Amerîkayî yê navdar Craig Calhoun bi peyamekê piştgirî da Pêvajoya Aştî û Civaka Demokratîk ku bi banga 27'ê Sibatê ya Rêberê Gelê Kurd Abdullah Ocalan dest pê kir. 

 

Calhoun ku li Zanîngeha New Yorkê salên dûr û dirêj akademîsyenî, li Institute for Public Knowledgeyê rêveberî û li Social Science Research Councilê wezîfeya serokatiyê kir, hîn jî li Zanîngeha Eyaleta Arizonayê weke profesorê zanistên civakî wezîfeyê dike. Calhoun, di peyama xwe de diyar kir ku ew piştgiriyê dide paşerojeke aştiyane ya gelê Kurd û têkoşîna wan a ji bo mafê diyarkirina çarenûsa xwe.

 

Calhoun, got: “Dixwazim bibêjim ku piştgiriyê didim her kesî yên ku di nava têkoşîna gelê Kurd de cih digirin ên ji bo paşerojeke aştiyane û hîn baştir û mafê diyarkirina çarenûsa xwe têdikoşe. Pê zanim ku di nava rewşeke welê de ku hêvî hate şikandin û dijminatiyeke aşkera tê kirin, dewamkirin û parastina hêviyê çiqasî zehmet e. Hurmeteke mezin didim wan mirovan ku li gel vê yekê jî hewldanên xwe dewam dikin. Bi taybetî agahî û eleqeyeke min a taybet ji bo paşeroja Kurdên li Tirkiyeyê heye. Hêvîdar im ku wê nêzîkatiyeke hurmetdar ji bo her kesên tev li pêvajoya aştiyê bûne bê nîşandan. Ji vê jî girîngtir, ji dil hêvî dikim ku ku yên ji bo aştiyê bi dewleta Tirkiyeyê re di nava danûstandinan de ne, wê bi ser bikevin.”