Rapora kesê pispor a karesata madenê ya li Licikê ku 9 karker di bin axê de mabûn, derket. Di raporê de hat gotin ku xetere heye ku kîmyewiyên jehrî biherikin Hewzaya Firatê.
Biryara îstîmlaqkirina lezgîn a ji bo 190 parselên li derdora daristana Akbelen a Mîlasê hatibû dayîn, hate betalkirin.
Ji bo kana zêr ku Şîrketa Koza dixwaze li qada çêregehê ya li taxa Axreşayê veke re rapora “ÇED ne hewce ye” hate dayîn. Welatiyên ku naxwazin karesateke weke Licikê bijîn bertek nîşanî vê rewşê dan.
Şêniyên gundê Qorî yê giredayî navenda Semsûrê li dijî çêkirina kana keviran di nobetê de ne. Şêniyên gund bi lêv kirin ku bi çêkirina kana keviran re dê zevî û darên wan ên fekiyan tune bibin û diyar kirin ku ew ê li dijî çêkirina kana keviran heta dawiyê li ber xwe bidin.
Ji bo gundê kurdên elewî Kapazê ku xebatên kana xîz û keviran lê tên kirin, niha jî projeya bendavê di rojeve de ye. Şeniyên gund bertek nîşanî projeyê dan û gotin ku dewlet dixwazê xwezeya wan talan bike û banga piştevaniyê kirin.
Li Taxa Kapazê ya Meletiyê bendava ku dixwaze were çêkirin hate şermezarkirin.
Endamê Kolektîfa Polen Ekolojiyê Umut Şener ji ber karesata Licikê hişyarî kir û anî ziman ku siyanûra li Licikê belav bûyî dibe ku mîna li Çernobîlê, rê li ber gelek bûyerên penceşêrê veke.
Tevgera Ekolojiyê ya Mezopotamyayê li dijî çêkirina Bendava Farqînê bang li her kesî kirin ku biçin Geliyê Godernê.
Serokwekîlên DEM Partiyê pêşniyarqanûn dan Meclisê û destnaşan kirin ku lêgerîna zêr a bi siyanüre xetereyeke mezin li ser ekolojiyê û tendurstiya gel çê dike û xwest ku li Tirkiyeyê lêgerîna zêr a bi siyanurê were qedexekirin.
Hevserokê Şaxa Odeya Endezyaran a Kanzayê Nûrî Alpaslan anî ziman ku li qada madenê ya li Licikê ku karesat lê çêbû li dijî projeyê hilberîn hatiye kirin û anî ziman ku divê maden bên îstîmlaqkirin.
Parlamentera DEM Partiyê ya Dêrsimê Ayten Kordû destnîşan kir ku berpirsê karesata kana madenê ya Licikê desthilat e û wiha got: “Gelo çima çûna rêxistinên ekolojiyê tê astengkirin?”
Rêveberên Komeleya Hawirdorê ya Munzurê ku destûr nehat dayîn biçin qada hezazê ya li Licikê diyar kirin ku divê li dijî karesata çêbûyî her kes xwe birêxistin bike.
Ekolojîst Koray Turkay diyar kir ku fikrên Rêberê PKK'ê Abdullah Ocalan ku ekolojiyê esas digirin, li gelek deverên cîhanê belav bûne û got: "Ocalan yek ji girîngtirîn analîstê wwan fikran e ku modernîteya kapîtalîst parçeparçe dikin."
Serokê ÇEVDER’ê Alî Kaçik destnîşan kir ku ekolojiya erdnîgariya Kurdistanê ev 40 sal in bi awayekî sîstematik tê qirkirin û anî ziman ku qeyûmê Wanê li ser 8 qadên avî “Bexçeyên Milet” da çêkirin.
Hatîce Înal ku bi salan e bi çêkirin û firotina qehweya kezwanê debara xwe dike, anî ziman ku ji ber darbirîna li herêmê îsal kezwan kêm bûne û got: "Kezwan nebateke bi şîfa ye. Bi salan e ez vê şîfayê li gel belav dikim."