Fransiziyên bi armanca şermezarkirina bêedaletiya zeman û belavkirina dahatûyan daketin qadan, bi êlekên xwe yên zer heya Cadeya Champs-Elysees meşiyan. Gelê Fransayê ji bo piştgiriya çalakiya “Êlek zeran” êlekên zer bi balkonên malên xwe ve kirin.
Li bajarê Çabahar ê Îranê wesayiteke bombebarkirî teqiya. Tê gotin 3 kes jiyana xwe ji dest dan û gelek kes jî birîndar bûne.
Komîserê Mafên Mirovan ê Konseya Ewropa Mijatovic, der barê neberdana Demirtaş û amadenekirina îdîanameya Osman Kavala de nirxandin kir û wiha got: "Hin zagonên têkoşîna bi terorê re rê li pêş mafê jiyana mirovan digirin û jiyanê li mirovan diherimînin."
Serokê DYA yê berê George H. W. Bush di temenê 94 salî de mir.
Buroya Hişbir û Sûc a Neteweyên Yekbûyî (NY), di rapora xwe de diyar kirin ku rojê 137 jin bi destê hevjînên xwe yan jî bi destê xizmên xwe tên qetilkirin.
Li Gazzeyê, rageşiya piştî êrîşên Îsraîl û Hamasê rû da didome. Komên filîstînî ragihandin ku agirbest çêbûye.
Asya Bîbî ya li Pakîstanê, bi sûcdariya “Heqaret li dînê Îslamê kirin” bi darvekrinê dihat darizandin, beraet kir û hat berdan.
Piştî têkiliya navbera Koreya Bakur û Koreya Başûr baş bûn, ji bo leşkeriya bi darê zorê ya 50 salan Dadgeha Destûra Bingehîn a Koreya Başûr ji bo kesên reda wîjdanî mafê xizmeta alternatîf nas kir.
Li gorî daneyên UNESCO, di her çar rojan de, rojnamegerek ji ber kar û xebatên xwe yên pîşeyî tên kuştin. Hat diyar kirin ku li tevahiya cîhanê, di navbera salên 2006 û 2017’an de hezar û 10 rojnameger hatin kuştin.
Zîrveya çaralî ya ku Tirkiye malovaniya wê bike û mijara wê Sûriye be, dê sibê bi tevlêbûna Almanya, Fransa û Rusya li Stenbolê pêk bê.
Wezîrê Karê Hûndir ê Sûriyeyê Velîd Mûallîm, diyar kir ku ger Eniya Nûsra li gorî peymana Rûsya û Tikiyeyê tevnegere û rewşa heyî ya li Idlibê berdewam bike, dê bêdeng nemîn in.
Endamê Serokê Komîsyona Yekitiya Ewropa (YE) Manfred Weber diyar kir ku Tirkiye tu carî nikare bibe endamê YE'yê.
Rêxistina Rojnamegerên Sînornenas (RSF) daxuyanî da û diyar kir ku di 9 mehên 2018'an de li cîhanê 56 rojnameger hatine kuştin.
Dozger Del Ponte yê helwesta welatên endam şermezar kir û ji Komîsyona Lêpirsînê ya Neteweyên Yekbûyî (NY) veqetiya, diyar kir ku wan komkujiya li dijî Êzidîyan bi belgeyan îspat kir û pêşkêşî Konseya Ewlehiya NY'ê kir, lê ji NY'ê tu encam derneket.
Jina Rojnameger Vîktorîa Marînova ku li Bulgaristanê rastî êrşa zayendî hat, hat qetilkirin.