Ofîsa Mafê Mirovan a Neteweyên Yekbûyî (NY) rapora xwe ya derbarê rewşa sivîlên di şerê Sûriyê de jiyana xwe ji dest dane weşand. Li gorî raporê ji 1’ê adara 2011’an heta 31’ê adara 2021’an li Sûriyê 306 hezar û 887 sivîlan di şer de jiyana xwe ji dest dane.
Federasyona Mafên Mirovan a Navneteweyî (FIDH) û Rêxistina Têkoşîna li Dijî Îşkenceyê ya Cîhanê (OMCT) destnîşan kirin ku rojnamevan bi awayekî kêfî hatine girtin û xwestin rojnamevan demildest "bê şert û merc” bên berdan.
Pen International, xwest 16 rojnamevanên li Amedê hatin girtin demildest bên berdan.
Parlamentoya Iraqê ji bo hilbijartina parlamenterên nû, civîna awarte li dar xist. Di encama civînê de 64 parlamenterên nû hatin hilbijartin.
Li Elmanyayê, Çalakvanên Defend Kurdistanê, êrişên Tirkiyeyê yên li ser Rojavayê tên meşandin bi çalakiya xwe ya bi navê "Bîra Xwînê" şermezar kirin.
BFAWU ku 175 sal in li Ingilistanê tekoşîna sendîkayî dide, di konferansa xwe ya salane de ku bi tev li bûna 200 delegeyan pêk hat, ji bo azadiya Rêberê PKK’ê Abdûllah Ocalan banga azadiyê kir.
Konseya Doza Biyaniyan a li Belçîkayê ku bi serlêdanên temyîzê yên li dijî biryarên şexsî eleqeder dibe, ji bo PKK’ê got; “rêxistineke terorê nîne.”
Raportorê Tirkiyeyê yê YE’yê Nacho Sánchez di civîna Lijneya Giştî ya SAP’ê de bertek nîşanî êrişên Tirkiyeyê yên li dijî Herêma Federal a Kurdistanê dan û got ku pozîsyona Tirkiyeyê, pozîsyona dagirkeriyê ye.
Têkildarî êrişên ku AKP'ê bi hevkariya PDK'ê li Herêma Kurdistanê dane destpêkirin di çalakiya li Brukselê de banga "Komkujiyên li dijî kurdan bi dawî bikin" hate kirin.
Ji Century Basis a navend New York pisporê ewlekariyê û lêkolîner Sam Heller diyar kir ku dijminatiya Tirkiyeyê ya li hemberî kurdan li rexekî ser îstîqrara herêmê û li hêla din jî li pêşiya planên mezinbûnê yên NATO’yê xetere ye.
Wezîrê Karên Derve Mevlut Çavûşoglû kû çû Filîstînê dê sibê li Îsraîlê bi rayedarên Îsraîlê re hevdîtinekê pêk bîne.
Komek çalakger ên feminîst ji bo balê bikişînin ser tundiya li ser jinan li ser xaliya sor a Mîhrîcana Fîlman a Cannesê pankarteke ku navê 129 jinên qetilkirî li ser nivîsandî, vekirin.
Rojnamevanên kurd ên li dijî êrişên Tirkiyeyê bi metneke hevpar bertek nîşan dan, li dijî êrişan banga hestiyariyê li çapemeniya Ewropa û cîhanê kirin.
Parlamentera Partiya Çep a Almanyayê Gokay Akbulut diyar kir ku têkildarî çekên kîmyewî yên Tirkiye bi kar tîne, daxwaz ji NY’yê kirine û wiha got: “Em dixwazin ku ji ber çekên kîmyewî yên ku Tirkiye li Herêma Federal a Kurdistanê bi kar tîne jî komîsyonek bê avakirin.”
Serhengekî Parêzvanên Şoreşa Îslamî ya Îranê li Tehranê hat kuştin.