NAVENDA NÛÇEYAN - Wezîrê Parastinê yê Îsraîlê ragihand ku wan agirbesta li Şerîda Xezeyê xera kiriye û cardin dest bi êrişan kiriye. Di êrişan de 16 kes mirin.

 

Îsraîl a ku agirbestê xera kir, ragihand ku êrişên xwe berfireh kiriye û danê sibehê êrişî bajarê Refahê yê li başûrê Şerîda Xezeyê kiriye. Di êrişên li ser bakurê Şerîda Xezeyê de, Îsraîlê li klînîka Neteweyên Yekbûyî (NY) ya ku penaber lê hêwirîbûn, xist. Di êrişê de 9 jê zarok 16 filistînî hatin qetilkirin.

 

Wezîrê Parastinê yê Îsraîlê Yisrael Katz di daxuyaniya xwe ya li ser hesabê xwe yê X (Twitter) de got ku armanca wan ew e ku bi berfirehkirina êrişên ku ji danê sibê dane destpêkirin, zêdetir axa Xezyê dagir bikin. Katz bal kişand ku berfirehkirina êrişên li ser Şerîda Xezeyê dê zexta li ser Hamasê û gelê Xezeyê zêde bike û destnîşan kir ku ev herêm dê di nav "herêma ewlehiyê" ya Îsraîlê de bin.

 

Televîzyona dewletê ya Îsraîlê KAN jî, ragihand ku artêşê ji danê sibê ve li ser bajarê Refahê yê li başûrê Şerîda Xezeyê êrişên bejahî pêk anîne.