Mursel Yildiz ku gava di girtîgehê de bûye tevî du hevalên xwe yên girtî gotarên bi navê "Annales ve Tarîh" nivîsandiye û niha jî gotarên xwe û hevalên xwe kiriye pirtûk. Yildiz, anî ziman ku xwestine li Tirkiyeyê li dijî dîroka siyasî, pêşîkeşiya dîroka civakiyî bikin.
Bircên Fînîkê yên dîrokî yên li gundê Keraşînê yê navçeya Basayê, bi tunebûn û hilweşandinê re rû bi rû ne.
Koma Çar û Mar ku ji 4 jinan, 4 zimanan û 4 çîrokan pêk tê, bi helbest, muzîk û çîrokên xwe dengên jinan radigihînin.
Muzîkjen Yûnûs Kamay ku ji ber şewbê betal maye, atolyeya xwe ya baxlemeyê pêşî kir kafe, niha jî kiriye tekstîl. Kamay ku hîn jî kursa baxlemeyê dide anî ziman ku, dê îsrara wî ya ji bo muzîkê dewam bike.
Walîtiya Rihayê jî lîstika şanoyê ya bi navê “Bêrû” qedexe kir. Parlamentera HDP’ê Ayşe Surucu bertek nîşanî biryara qedexeyê da û got: “Ev jî nîşaneya bêtehamuliya li hember kurdî ye.”
Muzîkjenên ku ji ber şewba Covîd-19'ê betal mane, ji bo debara xwe bikin enstrumanên xwe difiroşin.
Hejmara Kovara qerfî ya Zrîng a meha mijdarê bi ser navê "Li hemberî tundiya zilaman jin xwe diparêzin" derket. Kovarê vê carê di berga xwe de têkoşîna jinê ya li dijî tundiya zilam derxistiye pêş. Kovarê di berga vê hêjmarê de têkoşîna jinê bi rêbaza dezenfektê ya li dijî tundiya zilam xêz kiriye. Jin bi dezenfektê li dijî tundiya zilam ku wekî vîrûsa talan, qox, tecawiz, qirkirin, şer, dizî, bişaftin, nîşan daye têdikoşe.
Hejmara 7’an a kovara Folklorame ya ku li ser folklora kurdan tê çapkirin derket. Kovar wek her hejmarên din bi naverokek têr û tije li ber destan e.
Hejmara 11’an a kovara derûnnasiyê Psychology Kurdî derket û vê carê dosyeya “Koçberî û derûniya koçberiyê” pêşkêşî xwîneran dike û rave dike.
Damezrênerê Altkat Sanatê Nevzat Sus, anî ziman ku ji roja ku şewb dest pê kiriye heye niha li ser sehneya xwe lîstikek jî nelîstine û lîstikvan Selver Çavûş jî got, kesên dixwazin şano bên girtin şewb bûye fersnd ji bo wan.
Şanoya Bajêr a Amedê bi lîstika “Hema Hema Jin Elîzabeth” a Dario Fo îro dest bi serdema xwe ya nû kir.
Bawer Agirî yê ku di odeya xwe ya çend metre kare de, li ser Youtubê perwerdeya zimanê kurdî dide, diyar kir ku kesên dixwazin xwendin û nivîsandina xwe ya kurdî pêş bixin, dikarin li ser kanala “Hîngeha Kurdî” xwe bigihînin dersan.
Hunermenda NÇM'ê Rûken Yilmaz, anî ziman ku li dijî êrîşên li ser muzîka kurdî divê tekane bersiv "nedestjêberdan" be û got: "Li dijî êrîşan jî tişta divê em bikin, xwedîderketina li çand, ziman û bîra xwe ye."
Dêra Germûşê ya ermeniyan û derdora wê, bûye wargeha defînegeran. Desteya Wezîran Dêra germûşê wekî "navenda turîzmê" îlan kiribû.
Pirtûka "Gotinên Pêşiyan" a nivîskar Mehmet Oncu hat weşandin. Xebata Oncu, 4 cild in û tê de 50 hezar gotinên pêşiyan hene.