Serokê Şaxa Dev Turîzm Îş’ê ya Antalyayê Mûstafa Safvet Yahyaoglû, anî ziman ku ji ber polîtîkayên şerî turîzm têk çûye. Yayhyaoglû diyar kir ku sala çûyîn turîzmê bi ketineke ji sedî 80’yî sezon derbas kiriye û got: “Turîst nayên welatekî ne ewle û aram.”
Hikûmetê daxuyand ku piştî Sirbîstanê vê carê ew ê goşt ji Rûsyayê îthal bikin. Sewalvanên li Wanê bertek nîşanî van daxuyaniyan dan. Sewalvanan destnîşan kir ku hikûmet dixwaze heta hilbijartinê goşt îthal bike, lê belê ev îthalata goşt bi tu awayî bi kêrî wan nayê.
Karkera demsalî Yildiz Bozkoyun a ku rojê 12 saet li nav zeviyê bexdenûz, roqa, tûzik û pîvazê hêşîn berhev dike û got: “20 sal e ez li zeviyan dixebitim. Ne siberoja me di bin mîsogeriyê de ye û ne jî danehevek me heye. Tenê em roja xwe xelas dikin.”
Serokê Giştî yê DÎSK’ê Kanî Beko anî ziman ku ew ê tevî sendika û endamên girêdayî DÎSK’ê tev li pîrozbahiyên Newrozê bibin û got: “Ne rast e ku mirov Newroz û 1’ê Gulanê ji hev cuda bike. Wateya herî şênber a Newrozê, bidawîbûna Rewşa Awarte ye.”
Li Wanê 112 zozan ji ber sedema “Herêma Ewelehiya Taybet” qedexe ne. Yên sewalan xwedî dikin diyar kirin ku ji ber qedexeyan nikarin biçin zozanan û neçar in sewalên xwe li malê xwedî bikin û sewalkarî li ber xelasbûnê ye.
Li Deriyê Sînor ê Xabûrê ku di dema referandûma Herêma Kurdistana Federe de, di navbera rêveberiya herêmê û Tirkiyeyê de wekî krîzekê rû dabû, hejmara wesayîtên îxrcatvan ji sedî 50 kêm bûye. Ji sedî 30'yê fîrmayên herêmî top avêtine û ajovanên ku ji ber vê yekê betal mane, li qehwexaneyan bi lîstina kaxezan dema xwe derbas dikin.
Dadgeha Îstînafê ya Dîlokê cezayê dîsîplînê ku li 330 endamên Egîtîm Senê ji ber çalakiya grevê pêk anîbûn, hatibû birîn erê kir. Dadgeha Îdare grevê wek “Xebatên sendîkayî” dît û Dadgeha Îstînafê jî xebatên sendîkayî wek “Îsabeta hiqûqî” nedît û biryara 1’emîn Dadgeha Îdareyê red kir.
Parlamenterê HDP'ê yê Semsûrê Behçet Yildirim diyar kir ku wekî HDP'ê firotina fabrîqeyên şekir qebûl nakin û wiha got: "Firotina fabrîqeyên şekir ji bo rençberan zerar e."
Hat derpêşkirin ku kardêran gefa kuştinê li 4 karkerên endamên sendîkayê yên li Taşkin Tekstîlê dixebitîn xwariye. Karker Mûstafa Çetîn, diyar kir ku li ser hewldana patronê wî yê kevin ji karê nû jî hatiye avêtin. Çetîn destnîşan kir ku nahêlin ew li Êlihê kar peyda bikin.
Li gorî daneyên Saziya Îstatîstan a Tirkiye (TUÎK) di meha sibatêde buhayê berxurî mehane ji sedî 0.73 û salane jî, ji sedî 10.26 zêde bû. Di buhayê hilberîneran de herî zêde zexîre û vexwarinên bê alkol ji sedî 2.24 zêde bû. Di buhayê berxuran de jî ceyran û xaza xwezayî ji sedî 21.10 zêde bûn.
Di 15 salên serdema AKP’ê de ji ber polîtîkayên AKP'ê yên neyînî cotkarên pincara şekir ji 460 hezaran daketin 105 hezaran. Qada bazara şekir ji sedî 33 kêm bû. Karkerên fabrîqeya şekir ji 18 hezar û 800 karkeran daketin 8 hezar û 100'î. Serokê şaxa Odeya Endezyarên Çandiniyê ya Îzmirê Ferdan Çiftçî, diyar kir ku bi salan e amadekariya arizîkirinê dihat kirin.
Platforma Şaxan a KESK'ê ya Îzmirê têkildarî OHAL û KHK’yan daxuyanî da û diyar kir ku pêdiviya kedkaran ne şer, aştî ye.
Li Sîteya Tomerîfiroşan a Xureka Amedê, ji 500 tomerîfiroşan 150’î jê ji ber krîza aborî îflas kirin û deriyên xwe girtin. Tomerîfiroşan, diyar kirin ku berê nêzî 500 qemyonan ji bo neqliyetê serê sebi li vê derê amade dibûn, lê niha herî zêde 10 qemyon hene.
Serokê Çîftçî Senê Abdullah Aysu diyar kir ku bi arizîkirina fabrîkayên şekir re dê 4 hezar karker bêkar, 250 hezar karkerên demsalî û 105 cotkar mexdûr bibin û got: “Dê cotkar topbiavêje û feqîrî zêde bibe. Ev ne netewî ye, dê radestî şirketên pirnetew bikin.”
Dikandarên Sîteya Pîşesaziyên Biçûk ên Dîlokê, diyar kirin ku ji ber kargehên neqeydkirî û tevgera kûra dowîzî li ber topavêtinê ne û gotin: “Gotınên ‘Aborî baş dibe. Nîşaneyên aboriyê baş in’ tu fêdeyê li berîka me nake. Wê demê çima rewşa karên me xerab e?”