Welatiyên ku ji ber pêkanîn li deriyê sînor ê li navçeya Bazîdê biderd in, wiha gotin: “Hefteyekê em têr in hefteyên din birçî ne. Dahat û lêçûn ji hev nagirin. Li cihê ku aştî lê nebe jiyan biha dibe.”
Karkerên malan ên bi xetereyên weke qeza, birîndarbûn û mirinê re rûbirû dimînin, dixwazin ku Tirkiye Peymana Kar a Hêjayî Mirovan a Karkerên Malan îmze bike.
Cil û bergên kurdî ango netewî jî bi krîza aborî re rû bi rû mane. Dikandarên ku qumaşên cil û bergên kurdî difiroşin diyar kirin ku krîza aborî li wan jî daye û mîna berê nikarin qumaş bifiroşin.
Hevserokê Şaxa Egîtîm Sen a Wanê Mûrat Atabay diyar kir ku di encama têkoşîna wan de hevdîtinên Qanûna Pîşeyî ya Mamostetiyê hatine taloqkirin û wiha got: “Dê di cotmehê de ev qanûn dîsa bê nîqaşkirin. Hewceye hem perwerdekar li dijî vê rabin ser pêyan.”
BES’ê li gelek bajaran bi daxwaza mafên wan ên servîsê bi paş ve bên dayîn, para refahê li mûçeyên wan bê zêdekirin û li dijî zeman çalakî li dar xist.
Li herêma Çilaşan a navçeya Payîzavayê di demekê de 40 aşên avê li ber hev dixebitîn. Ji van aşan niha tenê yek li ser pêyan maye û xwediyê aş Seyfeddîn Uçer banga xwedîderketinê kir.
KESK bi daxwaza başkirina mafên reha li gelek bajaran çalakiya “Em ê radestî hejariyê nebin” li dar xistin.
Serokê Koma AKP’ê Abdullah Guler diyar kir ku mûçeyê herî kêm ê teqawidan bûye 12 hezar û 500 lîre. Xercê derketina derveyî welat jî ji 150 lîreyan derket 500 lîreyan.
Li gorî daneyên Wezareta Xizîne û Darayî, di 6 mehên ewil ên salê de bûdçeyê 747,2 milyar TL li kêmiyê da.
Cotkaran diyar kirin ku dê di 19’ê tîrmehê Mitînga Çandiniyê ya DEM Partiyê ya li Qoserê de daxwazên xwe biqîrin û wiha gotin: “Ji bo pêşîlêgirtina vê zilmê banga me li her kesî ew e ku tev li mitîngê bibin.”
Li gorî rapora lêkolînê ya DÎSK û BÎSAM’ê; sînorê birçîtiyê yê malbateke nifûsa wê 4 kes bû 19 hezar û 44 TŞ, sînorê xizaniyê jî derket 65 hezar û 874 lîreyan.
Mûharrem Kaya yê 28 sal in li Stenbolê karê tamîrkirina pêlavan dike, anî ziman ku mirovên pêlavên xwe yên berê ku nikarin têxin pêxwe diavêtin çopê, van pêlavên xwe ji ber krîza aboriyê tînin tamîrê.
Li gorî rapora cînayetên kar a Meclisa ÎSÎG’ê ya meha hezîranê herî kêm 137 karker jiyana xwe ji dest dane. Li gorî raporê di 6 mehên dawî de jî 878 karker jiyana xwe ji dest dane.
Rêxistina DEM Partiyê ya Îzmîrê xwest meaşê asgarî bê zêdekirin û got: “Bila budçe ne ji şer, çek û sermaye re bê veqetandin. Bila ji bo hewcedariyên gel bê xerckirin.”
TUÎK’ê di daneyên bêkariyê yên meha gulanê de îdia kir ku li gorî mehek berê di gulanê de 27 hezar kesan kar peyda kirine û hejmara bêkaran daketiye 3 milyon û 11 hezar kesan.