Çalakiya “Meşa Dirêj” ku ciwanên Kurdistanî û enternasyonalîst di navbera 15’ê û 20’ê îlonê de di çarçoveya kampanyaya “Ji Abdullah Ocalan re azadî, ji pirsgirêka kurd re çareserî” de dane destpêkirin gihişt bajarê Essen ê Almanyayê. Ciwanên ku di saetên serê sibê de ji bajarê Dormûntê bi rê ketin, dora saet 09.00’an gihiştin qada Hirschlandplatz a Essenê. 

 

Ciwan dê ji navenda bajêr 17 kîlometreyan ber bi navenda Civaka Kurd a Demokratîk a Essenê ve bimeşin. Di êvarî jî li navendê paneleke bi navê rola ciwanan û divê çawa bê jiyîn bê lidarxistin. 

 

Bernameya rojên din wiha ye: 

 

20’ê îlonê: Çalakvan dê li dora saet 09.00’an li ser cadeya herî qelebalix a bi navê Marxloh-Pollman a li navenda Duisburgê kom bibin û dê 19 kîlometreyan di nava bajarî de bimeşin.

 

21’ê îlonê: Ciwan dê saet 07.00’an ber bi Mihrîcana Çanda Kurd a Ewropayê ya li qada Rebstockpark a Frankfûrtê bê lidarxistin ve bi rê kevin.