Goristana Garzanê ya li bejahiya gundê Oleka Jor a Bedlîsê ku gorên 267 PKK'yiyên ku di demên cuda de jiyana xwe ji dest dabûn lê bûn, di 19'ê Kanûna 2017'an de bi makîneyên karî hat hilweşandin û 267 cenaze şandin Saziya Tiba Edlî ya Stenbolê (ATK). Hat diyarkirin ku cenazeyên ku şandine ATK’ê li Goristana Kilyos a Stenbolê di bin peyarêyan de defin kirine. 2 sal piştî pêvajoya ATK'ê DNA'ya 10 kesan li hev derket û cenaze radestî malbatên wan hatin kirin. Heta niha cenazeyên nêzî 30 kesan radestî malbatên wan hatine kirin. Têkoşîna malbatên ku 7 sal in nikarin cenazeyên xwe wergirin hê jî didome.

 

Nûriye Tûran jî yek ji wan 10 kesan e ku 2 sal piştî pêvajoya ATK'ê cenazeyên zarokên xwe wergirtin. Nûriye Tûran a ku cenazeyê kurê xwe Fedakar Tûran wergirt, di 14’ê Kanûna 2019’an de li gundê Gozeldere yê navçeya Tetwan a Bedlisê ku lê ji dayik bû, defin kir.

 

Fedakar Tûran ê di sala 1975'an de li gundê Gozeldereyê ji dayik bû, di sala 1993'yan de tevlî PKK'ê bû. Tûran di sala 1994'an de bi du hevalên xwe re di pevçûnekê de jiyana xwe ji dest da. Cenazeyê Tûran û yê 2 PKK'yiyên ku di pevçûna li navçeya Xîzanê de jiyana xwe ji dest dabûn ji aliyê leşkerên Qereqola Cendirmeyan a Kisikliyê ve hatin definkirin. Rojnameya Ozgur Ulke ku wê demê weşana xwe dikir, di 7'ê Tebaxa 1994'an de bi manşeta "Bila mirovahî fedî bike!" ev bûyer ragihand xwendevanên xwe. Malbata Tûran ku cenazeyê zarokê xwe ji Geverê wergirt, li goristana gundê Gozeldereyê defin kir. Cenazeyê Tûran ê ku 12 salan li vir ma, dei dema pêavjoya diyalogê de li Goristana Garzanê hat definkirin.

 

30 SAL IN WÊ MANŞETÊ VEDIŞÊRE

 

Dayik Nûrey Tûran ku 30 sal in manşeta "Bila mirovahî şerm bike!" ya rojnameya Ozgur Ulkeyê vedişêre anî ziman ku ew hewl didin bîranîna xwe ya bi êş û dilsoz zindî bihêlin. Nûriye Tûranê diyar kir ku helbest, name û wêneyên kurê xwe ji bo ku neyên desteserkirin parastine.

 

'BI ROJAN LI WIR HAT SEKINANDIN'

 

Dayik Nûriye Tûranê anî ziman ku kurê wê kesekî xwedî hişmendî û rêxistinbûyî bûye û got ku kurê wê wê demê li Tetwanê ji ber mirina 3 PKK'yiyan gelekî bandor bûye û tevlî PKK'ê bûye. Nûriye Tûranê diyar kir ku cenazeyê kurê wê yê jiyana xwe ji dest dae bi rojan nehatiye definkirin û li cihê ku lê hatiye gulebarankirin hatiye ragirtin û got: "Cerdevanan cenazeyên wan îmha kirin, tevî ku mirî bûn jî cenazeyên wan gulebaran kiribûn. Paşê em ji bo wergirtina cenaze çûn gund. Pir tahde kirin, lê me cenazeyê xwe wergirt û me ew li gudn defin kir." 

 

'MIN LI BIN KEVIRAN MÊZE DIKIR LÊ TUNE BÛ'

 

Nûriye Tûranê diyar kir ku piştî definkirinê xwestine cenazeyê kurê xwe derxin derve û diyar kir ku piştre cenazeyê kurê wê li Goristana Garzanê defin kirine û wiha got: "Piştî cenaze li Garzanê defin kirin, careke din tu hizûr nedan. Em 2-3 caran çûn şehîtgehê. Paşê dewlet bi ekmçeyan ket wir û xera kir. Lê cara ewil PKK'Ê destûr neda wir. Paşê dîsa hewl dan xeara bikin û goristanê serobino kirin. Li wir tenê ne cenazeyê me, cenazeyê 267 kesan hebû. Cenaze revandin û birin. Min bawer nekir, ez çûm şehîdgehê, lê tişta min dît şehîdgeh serobino kirine. Kêlikek jî saxlem nehiltibûn. Heya nehatibû qedexekirin jî ez diçûm wir, mind igot hestiyên kurê min li wir in. Min li bin keviran mêze dikir, lê min nedidît."

 

DOZGER: TU YÊ ÇI BIKÎ JI KOMEKE HESTÎ?

 

Nûriye Tûranê diyar kir ku ji bo cenazeyê kurê xwe bigire serî li dozgeriyê daye û wiha got: "Dozgerî pirsî 'Tu bawer dikî ku kurê te li wir e?' Mn jî got, 'Belê bawer dikim.' Dozgerî got wan cenaze hemû birine Kilyosê. Min çar pênc caran daxwazname da, ez çûm dozgeriyê. Ne tenê ez, ji Bedlîsê, Tetwanê û Xîzanê gelek malbat hebûn. Me tu carî dest ji têkoşîna xwe ya ji bo wergirtina cenaze berneda, heya me wergirt me li ber xwe da. Me bi dozgeriyêr e gelek caran hevdîtin kir. Dozgerî her carê digot 'tu yê çi bikî ji komeke hestî?' Min hêz ji hestiyên kurê xwe digirtin û ez diçûn. Min ji dozger re got; 'Hestiyên kurê min dikevin xewna min û dibêje min ji vir bigire.' Em hêza xwe û baweriya xwe ji vir digirin." 

 

Nûreye Tûranê destnîşan kir ku gelê kurd bi sedan sal e tevî hemû êş û azaran jî li ber xwe dide û têdikoşe û got ku dê ji niha û pêve jî têkoşîna me bidome. 

 

MA / Rûken Polat / Mazlum Engîndenîz