COLEMÊRG - Hilbijartiyên ku navçeya Varto ya Mûşê û navçeya Qelqelî ya Wanê hatin “Nobeta rêzgirtina ji îradeyê” re ku li Colemêrgê di roja 13’emîn de berdewam kir, domandin. 

 

“Nobeta rêzgirtina ji îradeyê re” ku Partiya Wekhevî û Demokrasiyê ya Gelan (DEM Partî) li dijî tayînkirina qeyûm a bi biryara Wezareta Karên Hundir li Şaredariya Colemêrgê hate kirin di 25’ê hezîranê de daye destpêkirin didome.  Çalakiya Nobetê ya 7 rojan bênavber berdewam dikir, ji ber “Meşa ji Îradeyê re Rêzgirtin” ku di 3’yê tîrmehê de hate destpêkirin navber danê. Piştî meşê endamên partiyê bi daxuyaniya ku di 12’ê tîrmehê de dan re ragihandin ku çalakî cara duyemîn dîsa dane destpêkirin. 

 

Çalakiya nobeta ku di roja 13’emîn de li ber Bazara Gel a Şaredariyê berdewam kir, komên ji navçeya Varto ya Mûşê û navçeya Qelqelî ya Wanê hatin dewr girtin. Pankartên “Em ê tecrîdê rakin, qeyûm bişînin” , “Ne qeyûm ne tecrîd ji bo gelê kurd azadî” , “Şaredarî yên me ne, em ê rê nedin desteserkirinê” û “Qeyûm qirkirine, em rê nadin qirkirinê” û dowîzên “Ji îradeyê re rêzê bigire” , “Ji qeyûm re na” û “Ji desteserkirina îradeyê re na” hatin daliqandin. 

 

Çalakî di saetên şevê yên pêş de bi stranan berdewam kir, gelek welatî tev li çalakiyê bûn.