Piştî Serokê Giştî yê AKP'ê Recep Tayyîp Erdogan Serokwezîrê Îsraîlê weke "terorîst" sûcdar kir û şûn de Serokwezîrê Îsraîlî Benyamîn Netanyahû bersiveke tund da Erdogan.  Netanyahû, diyar kir ku Erdogan ê Qibris û herêma Kurdan dagir kir û li Efrînê sivîl kuşt, nikare dersa exlaqê bide me.

 

Erdogan piştî bûyerên ku 16 Fîlîstînî lê hatin kuştin daxuyaniyek dabû û gotibû, "Ev êrîş ji derveyî mirovahiyê ne" û ji Netanyahu re gotibû "terorîst."

 

Serokwezîrê Îsraîlê Benyamin Netanyahu bi rêya hesabê malpera xwe ya Facebookê daxuyaniyek weşand û wiha got: "Erdogan hîn nebûye ku yek bersivê bide wî. Lê belê divê êdî hînî vê bibe. Yê ku Bakurê Qibirsê dagir kir, herêma Kurdan dagir kir û li Efrînê koka sivîlan anî, nikare li ser nirx û exlaq dersê bide."