STENBOL – Li Stenbol û Gebzeyê bi wesîleya 50'emîn salvegera 15-16'ê Hezîranê daxuyanî hatin dayîn. Li Gebzeyê polîsan mudaxileyî karkeran kir û 13 kes binçav kirin. 

 

Platforma Çîna Şoreşger a Serbixwe (BDSP) bi wesîleya 50'emîn salvegera berxwedana karkeran a 15-16'ê Hezîranê li Meydana Gebzeyê û li Semta Sefakoy a Stenbolê daxuyanî da. Polîsan bi hênceta ku Walîtiya Kocaeliyê çalakî û daxuyanî qedexe kirine li Gebzeyê mudaxileyî daxuyaniya karkeran kir û 13 kes binçav kirin. Hat zanîn ku polîsan li wan kesan daye û ew birine Emniyeta Gebzeyê. 

 

Karkeran li rawestgeha Sefakoyê jî daxuyaniyek dan û 50 saliya berxwedana 15-16'ê Hezîranê pîroz kirin û banga mezinkirina têkoşîna karkeran kirin.