AMED - Endamê HPG’ê Recep Balta yê di şer de birîndar bûbû, li nexweşxaneya lê dihate dermankirin jiyana xwe ji dest da.  

 

Endamê HPG’ê Recep Balta yê di sala 2017’an de bi awayekî birîndar li Deriyê Sînor ê Xabûr bi awayekî birîndar hate girtin û ji navtangê û pê da felc bûbû piştî tedawiya du mehan a li girtîgehê hatibû berdan. Balta yê tedawiya wî 6 sal in didome, di 16’ê îlonê de li Nexweşxaneya Lêkolîn û Perwerdehiyê ya Gazî Yaşargîlê jiyana xwe ji dest da. Cenazeyê Balta, di 16’ê îlonê de li Goristana Yenîkoy a li navçeya Rezan a Amedê hate veşartin. 

 

ŞÎN HATE DANÎN 

 

Ji bo Balta ji aliyê malbatê ve li Mala Şînê ya Şeqlatê ya li Semta Dîclekent a navçeya Peyasê ya Amedê şîn hate danîn. Endam û rêveberên Komeleya Çand Yekitî Piştevanî û Alîkariyê ya bi Malbatên Xizmên Xwe di Dêrgûşa Şaristaniyê de Windakirine re (MEBYA-DER), Komeleya Piştevaniyê ya bi Malbatên Girtî û Hikumxwaran re (TUAY-DER) ya Amedê, Komeleya Alimên Olî ya Amed, Meclisa Dayikên Aştiyê, Komeleya Lêkolînên Ziman û Çandên Mezopotamyayê (MED-DER), Rêxistinên Partiya Çepên Kesk, Partiya Herêmên Demokratîk (DBP) û Partiya Demokratîk a Gelan (HDP) ên Amedê serdana şînê kirin. Di şînê de ji bo kesên di têkoşîna demokrasî û azadiyê de jiyana xwe ji dest dan deqîqeyek rêz hate girtin û dua hatin kirin. 

 

Hevserokê MEBYA-DER’ê Mehmet Emîn Kiliç ê di şînê de axivî, ji malbatê re sersaxî xwest.