AMED - Hevserokên MEBYA-DER'ê jî di navde 5 kes 8 roj û 13 kesên din jî 4 roj in li Midûriyeta Polîsan a Ametê di bin çavan de tên girtin. 

 

Serdozgeriya Komarê ya Amedê bi îdeaya “Endamtiya rêxistinê", di 27'e Sibatê û 3'ê Adarê de, der barê endam û rêveberên Komeleya Çand û Yekîtiya Piştevaniya Malbatên Kesên li Dergûşa Şaristaniyê Xizmên Xwe winda kirine, (MEBYA-DER) fermana binçavkirinê da. Li ser fermana dozgeriyê di 2 operasyonên cuda de 28 kes hatin binçavkirin. Polîsan di operasyona ewil de 13 kes û di operasyona dawî de 15 kes binçav kirin. Di operasyona ewil de Rêveberên Komeleyê Meryem Soylu (79) û Hatun Aslan (71), rêveberê HDP'ê yê Rizan Fetullah Işik, di 2'ê Adarê de sewqî edliyê kiribûn. Dadgehê der barê Aslan û Soylu de bi îdeaya “Endamtiya rêxistinê" biryara girtinê da û şandin girtîgehê. Der barê Işik de jî bi şertê kontrola edlî serbest berda. 

 

HEVSEROKÊN MEBYA-DER'Ê 8 ROJIN DI BIN ÇAVAN DE NE

 

Hevserokên MEBYA-DER- Şeyhmus Karadag û Yuksel Almas, endamên komeleyê Zekî Dag û e Ayşe Çelikbilek, Rêvebera Partiya Herêmên Demokratîk (DBP) ya Amedê Hacice Guneş, Rêveberê DBP'ê yê Rezan Tahir Gul, Hevseroka HDP'ê ya Peyasê Hanım Altindag, Rêveberê HDP'a Sûrê yê berê Murat Uzgun, Rêveberê HDP'ê yê Amedê yê berê Hafiz Işik, Rêveberê MEYA-DER'ê ya bi KHK'ê hat girtin Muzaffer Ulaş û Emine Aksoy piştî hatin binçavkirin, binçavkirina wan 4 rojên din dirêj kirin. 

 

DI OPERASYONA DUYEMÎN DE 15 KES BINÇAV KIRIN

 

Polîsan dîsa li ser fermana dozgeriyê di 3'ê Adarê de operasyona duyemîn li dar xistin. Polîsan di operasyona duyemlîn de Halime Topuz, Azîz Olçen, Aysel Pehlîvan, Mehmet Nur Savaş, Mustafa Karahan, Saît Borta, Ayşe Tutmaz, Mevlude Gunduz, Hulya Varan, Mehmet Yildiz, Fehîm Azak, Yildiz Damla, Mustafa Uyguner, Hidayet Aslan jî di navde 15 kes binçav kirin. 

 

5 KES GIRTIN

 

Di 4'ê Adarê de Rêvebera DBP'ê ya Amedê Hacice Guneş, rêvebera MEYA-DER'ê Muzaffer Ulaş û Rêveberê DBP'ê ya Rezan Tahir Gul, sewqî 3’emîn Dadgeha Cezayên Sulhê kir. Dadgehê der barê Guneş û Ulaş de biryara girtinê da. Gul jî bi şertê konrtola edlî serbest berda. 

 

Dadgehê Zekî Dag, Hanim Altindag, Mevlude Gunduz û Hafız Işik, sewqî dadgehê kirin. Dadgehê der barê Dag, Işik û Altındag de biryara girtinê da û Gunduz bi şertê kontola edlî serbest berda. 

 

8 ROJIN DI BIN ÇAVAN DE NE

 

Hevserokên MEBYA-DER'ê Şeyhmus Karadag û Yuksel Almas û Murat Uzgun, Emine Aksoy û Ayşe Çelikbilek 8 rojin di  bin çavan de ne. Halime Topuz, Aziz Olçen, Aysel Pehlivan, Mehmet Nur Savaş, Mustafa Karahan, Sait Borta, Ayşe Tutmaz, Hulya Varan, Mehmet Yıldız, Fehim Azak, Yıldız Damla, Mustafa Uyguner û Hidayet Aslan jî 4 roj in li Midûriyeta Polîsan a Amedê di bin çavan de tên girtin.