
Doza Ozgur Gundemê hat taloqkirin 

2020-02-20 16:54:12


	&nbsp;

	STENBOL - Danişîna doza derbarê xebatkarên rojnameya Ozgur Gundemê de hatibû kirin, cara 14’emîn hat dîtin.&nbsp;

	&nbsp;

	14'emîn danişîna doza Gerînendeyê Giştî yê Rojnameya Ozgur Gundemê ya bi KHK'ê hatin girtin, Huseyin Aykol, Midûra Karê Nivîsan Reyhan Çapan û nivîskar Hasan Başak de hatibû vekirin, li 13'emîn Dadgeha Cezayên Giran a Stenbolê hat dîtin. Methî Kaya û Lutfî Yavûzaslan ên ji ber dozekê din girtîne, bi SEGBÎS’ê beşdarî danişînê bûn. Aykol, Çapan û Başak ên ne girtî tên darizandin, tevlî danişînê nebûn.&nbsp;

	&nbsp;

	Piştî tespîta nasnameyê, danişînê dest pê kir. Dozger, mutalaya xwe ya berê dabû dûbare kir. Dûrê Methî kaya parastin kir û wiha got: “Ev mutala li dijî demokrasiyê ye. Ez beraeta xwe daxwaz dikim.” Parêzserê Aykol û Çapan jî parastin.&nbsp;

	&nbsp;

	Lutfî Yavûzaslan jî mafê axaftinê girt û diyar kir ku nûçeyên hatine çêkirin di çarçoveya azadiya ramanê de hatine çêkirin. Yavûzaslan dûre &nbsp;beraeta xwe xwest.&nbsp;

	&nbsp;

	Şandeya dadgehê, derbarê Kemal Yakût û Hasan Başak de biryara girtinê da û danişîn taloqî 14’ê Gulanê kir.&nbsp;

	&nbsp;