
HDP: Em ê sûcên li dijî mirovahiyê hatin kirin ji bîr nekin 

2019-12-14 14:32:09


	ENQERE – HDP’ê têkildarî salvegera ragihandinên qedexeya derketina derve ya navçeya Cîzîrê û Silopya daxuyanî da. HDP’ê bal kişand ser kuştina sivîlan û got: “Em sûcê li dijî mirovahiyê ji bîr nakin.”&nbsp;

	&nbsp;

	Hevserokê Giştî yên HDP’ê Pervîn Buldan û Sezaî Temellî têkildarî salvegera ragihandina qedexeya derketina derve ya li Cizîrê û Silopya ya di 14’ê kanûna 2015’an de daxuyaniyek nivîskî weşandin.&nbsp;

	&nbsp;

	Daxuyaniya HDP’ê ya bi sernavê “Em dorpêçkirinan û sûcên li dijî mirovahiyê ji bîr nakin” wiha ye:&nbsp;

	&nbsp;

	“Di civîna 30’ê Cotmeha 2014’an de Desteya Ewlehiya Millî (MGK) &nbsp;konspeta ‘Plana têkbirînê’ xist dewrê û şer da destpêkirin. Di çarçoveya vê planê de Walîtiya Şirnexê ‘qedexeya derketina derve ya bêdem’ di 14’ê kanûna 2015’an de ragihand. 4 sal bi ser komkujiyê re derbas bû. Îqtîdara AKP’ê tenê bi qedexeyê sînor nema û li van bajarên qedexe lê hatin ragihandin mafê mirovan, ewlehî û azadiya wan jî bi awayê herî giran hatin binpêkirin.&nbsp;

	&nbsp;

	LI DIJÎ MIROVAHIYÊ SÛCÊN BÊHEJMAR HATIN KIRIN&nbsp;

	&nbsp;

	Bi sedan welatî hatin qetilkirin. Sûcên li dijî mirovahiyê yên bêhejmar li dijî însanan hatin kirin. Li dijî gelê kurd sepanên bêhiqûqî xistin dewrê û xwestin gelê kurd û siyaseta wan were tasfiyekirin. Qedexeya derketina derve herî zêde bandora xwe li ser Cizîrê kir û di serdema dropêçkirinên Cizîrê de zarok û jin jî di nav de herî kêm 292 hatin kuştin û şewitandin. Di serî li Şirnexê û li gelek navendên din bi deh hezaran însan cih û warên xwe hatin koçberkirin. Bajarê qedîk ku xwedî dîroka hezarê salan e hat hilweşandin.&nbsp;

	&nbsp;

	KUJER Û SÛC BÊCEZA HATIN HIŞTIN&nbsp;

	&nbsp;

	Gelek sazî û dezgehên netewî û navnetewî bi raporên amade kirin bêhiqûqî û binpêkirina mafên mirovan ên giran raxistin ber çavan. Tevî vê yekê jî kujerên ku sûcên giran ên li dijî mirovahiyê kirin bêceza hatin hiştin. Dosyeyên têkildarî kuştina mirovan bêencam man. Di dosyeyan de tu pêşketin pêk nehat. Îqtîdara AKP’ê ji bo ew esker û polîsên ku sûcên giran kirin, bêceza bên hiştin qanûnên taybet derxist û xistin dewrê. AKP cezakirina kujeran asteng kir.&nbsp;

	&nbsp;

	Di serî de îqtîdar û her kesê hevkariya van sûcên giran kir dê helbet rojek derkeve pêşberî daraz û hiqûqê hesab bide. Em wek HDP’ê di wê serdemê de jî li dijî wê zilm û li dijî zilma îro jî li ser gelê kurd tê birêvebirin bêdeng neman û em ê bêdeng nemînin. Em ê dest ji têkoşîna xwe ya hiqûqî ya ji bo van bajaran tê birêvebirin bernedin.&nbsp;

	&nbsp;

	EM Ê JI BÎR NEKIN&nbsp;

	&nbsp;

	Em carek din hemû qûrbaniyên wê zilmê bibîr tînin. Em ê Dayika Taybet, Cemîle Çagirga, Mehmet Tûnç, Asya Yuksel, Pakîze Nayîr, Sêvê Demîr, Mehmet Yavûzel û bi dehan qurbaniyan ji bîr nekin.”&nbsp;

	&nbsp;