
'Êrişa li dijî xwendekarên kurd polîtîkayek dewletê ye’ 

2019-12-12 11:48:34


	&nbsp;

	STENBOL – Nûnerên rêxistinên ciwanan bertek nîşanî êrişa nijadperest a li dijî 3 xwendekarên kurd ên li Antalyayê û gotin “Êrişa li dijî xwendekaran parçeyek polîtîkaya dewletê ye.”&nbsp;

	&nbsp;

	Li Tirkiyê di serdemên şer de gotinên nefretê û êrişên nijadperest zêde dibin rê li ber êrişan vedike. Her dawî jî li Dibistana Pîşeyî ya Bilind a Zanîngeha Antalyayê êrişa nijadperest li dijî 3 xwendekarên kurd qewimî.&nbsp;

	&nbsp;

	Xwendekar ji ber êrişên nijadperest neçar man ku dest ji dibistanê berdin. Nûnerên rêxistinên ciwanan bertek nîşanî êrişa nijadperest a li dijî xwendekarên kurd dan.&nbsp;

	&nbsp;

	‘EV ÊRIŞ BÊTEHAMULIYA KURDBÛNÊ YE’&nbsp;

	&nbsp;

	Endamê Meclîsa Ciwanan a HDP’ê Murat Yaşar êrişa nijadperest a li dijî xwendekarên kurd şermezar kir û êrişên bi vî rengî bêtehamuliya kurdan e. Yaşar da zanîn ku ew van êrişan nikarin qebûl bikin û got: “Ev dewama êrişên faşîst ên bi salane didome ye. Em ê tevî van êrişan jî biratiya gelan biparêz in.”&nbsp;

	&nbsp;

	‘POLÎTÎKAYA DEWLETÊ YE’&nbsp;

	&nbsp;

	Hevseroka Federasyona Komeleyên Ciwanên Sosyalîst (SGDF) Alev Ozkîraz jî bi bîr xist ku Şîrîn Tosun bi boneya bi kurdî axivî li Sakaryayê hat kuştin û însan tenê ji ber ku bi kurdî diaxivin êriş li dijî wan pêk tê û tên kuştin. Ozkîraz wiha got: “Ev êriş parçeyek polîtîkaya dewletê ne. Hebûna kurdan qebûl nakin. Dixwazin mafê kurdan û zimanê wan ji holê rakin. Ev polîtîkayek tunekirina kurdan e. Dixwazin civakê bikin yek tîp. Em ê wek ciwanên sosyalîst piştgiriya xwe mezintir bikin û van polîtîkayan bişkênin. Em dibêjin ev jî dê bi xweseriya demokratîk û perwerdehiya zimanê zikmakî pêk were.”&nbsp;

	&nbsp;

	&nbsp;

	&nbsp;