
Jin xwe ji bo 25’ê Mijdarê amade dikin 

2019-11-22 15:46:28


	NAVENDA NÛÇEYAN – Jinan li Enqereyê banga beşdariya meşa 25’ê Mijdarê kir. Jinan li Edene û Antalya jî kartên pitşevaniyê ji jinên girtî re şandin. Jinên Anarşîst jî li Stenbolê daxuyanî dan.&nbsp;

	&nbsp;

	Rêxistinên jinan di çarçoveya çalakiyên 25’ê Mijdarê Roja Têkoşîna Navneteweyî ya Li Dijî Tundiya ser Jinan de li gelek navendan civîn û daxuyaninan li dar xistin û jinên girtî re kartên piştevaniyê şandin.&nbsp;

	&nbsp;

	ENQERE&nbsp;

	&nbsp;

	Platforma Jinan a Enqereyê bi boneya 25’ê Mijdarê Roja Têkoşîna Navneteweyî ya Li Dijî Tundiya ser Jinan civîn li dar xistin û banga meşa 25’ê Mijdarê ya li Kolana Sakaryayê dê bê lidarxistin kirin. Jinan civîn li Navenda Giştî ya Yekîtiya Mulkiyeyan li dar xist û li ser navê jinan Esma Çaglak daxuyanî da. Çaglak got ew di 25’ê Mijdarê de li kolanan e û banga beşdariya meşa 25’ê Mijdarê ya li Enqereyê û mezinkirina têkoşîna li dijî tundiyê kir.&nbsp;

	&nbsp;

	EDENE

	&nbsp;

	Li Edenê jî Platforma Jinan a Edeneyê, Meclîsa Jinan a Edeneyê bi beşdariya Parlamenterên HDP’ê Tulay Hatîmogullari û Pero Dundar li Postexaneya Edeneyê ji bo 25’ê Mijdarê kartên piştevaniyê ji jinên girtî re şandin.&nbsp;

	&nbsp;

	Beriya şandina kartan jinan daxuyanî da. Li ser navê Platforma Jinan Prz. Sevîl Araci Bek daxuyanî da û got ew ê ji bo mafên xwe têkoşîna xwe dewam bikin. Parlamenter Tulay Hatîmogullari jî axaftinek kurt kir û ji jinên girtî re silav şand.&nbsp;

	&nbsp;

	ANTALYA

	&nbsp;

	Endamên Platforma Jinan a Antalya jî bi boneya 25’ê Mijdarê ji jinên girtî re kart û nameyan şandin. Li ber Postexaneyê li ser navê Platformê Nazîre Nîhal Terzî daxuyanî da û behsa têkoşîna jinan kir û banga meşa jinan a 24’ê Mijdarê dê li dar bixin li jinan kir.&nbsp;

	&nbsp;

	STENBOL&nbsp;

	&nbsp;

	Jinên Anarşîst jî li ber Girtîgeha Jinan a Bakirkoya Stenbolê li hev kom bûn û bi dirûşma “Bila ne jin bila girtîgeh bên girtin” daxuyanî dan. Jinan bênavber dirûşma “Jin jiyan azadî” berz kirin û piştevaniya xwe ya ji bo jinên girtî anîn ziman.&nbsp;

	&nbsp;