
Bav û 9 kesên ku tevlî merasîma cenazeyê  Bîrlîk bûbûn beraat kirin

2019-11-22 13:49:53


	&nbsp;

	ŞIRNEX - Bavê Haci Lokman Bîrlîk ku piştî hatibû birîndarkirin, laşê wî bi maşîneya zirxî bi erdê ve hatibû kişandin û jiyana xwe ji dest dabû Hasan Bîrlîk ku ji ber merasîma cenazeyê kurê xwe de wêneyê kurê xwe hilgirtibû dihat darizandin û 9 kesên din beraat kirin.&nbsp;

	&nbsp;

	Haci Lokman Bîrlîk (24), di 3'ê Cotmeha 2015'an de li taxa Dîcleyê ya Şirnexê piştî birîn &nbsp;bûbû, polisan laşê wî bi maşîneyeke zirxî bi erdê ve kişandibû û ew kuştibûn. Bavê Bîrlîk Hasan Bîrlîk di merasîma cenazeyê kurê xwe de wêneyê wî hilgirtibû. Bi vê hincetê li bav Basan Bîrlîk û 9 kesên din doz hatibû vekirin. Duyemîn daneşîna dozê îro li 3'emîn Dadgeha Cezaya Giran a Şirnexê hat dîtin.&nbsp;

	&nbsp;

	DOZGER CEZA XWEST

	&nbsp;

	Di daneşînê de hin bersûcên berdayî tên darizandin û parêzer amade bûn. Piştî tespîta nasnameyê daneşînê dest pê kir û bersûcan parastinên xwe kirin. Bersûcan destnîşan kirin ku hilgirtina wêneyan a di merasîma cenaze de ne sûc e û beraata xwe xwestin.&nbsp;

	&nbsp;

	Parêzeran jî bal kişand ser biryarên Dadgeha Mafê Mirovan a Ewropayê yên têkildarî tevlîbûna merasîma cenazeyan û beraata muwekîlên xwe xwestin.&nbsp;

	&nbsp;

	Paşê dozgeriyê mutalaa xwe aşkera kir û bav Hasan Bîrlîk jî di nav de xwest ku 7 bersûc bên cezakirin û 3 bersûc jî beraat bikin.

	&nbsp;

	Piştî navbereke kurt, heyeta dadgehê biryara xwe aşkera kir û bi binasiya ku "hêmanên sûc pêk nehatine" derbarê hemû bersûcan de biryara beraatê da.&nbsp;

	&nbsp;