
Onlu: Yên ji Komkujiya Dersimê re bêdeng man îro jî ji Rojava re bêdeng dimînin  

2019-11-14 16:06:56


	ENQERE – Parlamenterê HDP’ê yê Dersimê Alîcan Onlu got: “Yên ji komkujiya Dersimê re bêdeng man îro jî ji neheqî, bêhiqûqî, dagirkirinê û êrişên li dijî Rojava re bêdeng dimînin.”

	Cîgirê Hevserokên Giştî yên HDP’ê Alîcan Onlu têkildarî darvekirina salvegera 82’yemîn ji lîderên raperîna Dersimê Seyîd Riza û 6 hevalên wî li Meclîsê civîna çapemeniyê li dar xist.&nbsp;

	&nbsp;

	Onlu bi şermezarkirina komkujiya li Dersimê dest bi axaftina xwe kir û got: “Seyid Riza û hevrêyên xwe 82 sal beriya niha bi her cûre dek û dolaban bêyî parastina wê bê girtin hatin qetilkirin.”&nbsp;

	&nbsp;

	‘EZ KOMKUJIYÊ ŞERMEZAR DIKIM’

	&nbsp;

	Onlu destnîşan kir ku ew carek din sersaxiyê ji hemû Dersimiyan re dixwaze û got: “Ez Seyîd Riza, Usene Seydî, Findiq Axa, Seyd Usen, Hesenê İbrahîmî, Hesen Axa û Eliyê Mîrzalî yên di 15’ê mijdara 1937an de hatin qetilkirin û niha bêkefen û bêgorin bi rêz û hezkirin bi bîr tînim. Ez Elîşêr û Zarîfe yên li Qoçgirî hatin qetilkirin jî bi bîr tînim.”&nbsp;

	&nbsp;

	‘NAVÊ WÊ DERSIM E’&nbsp;

	&nbsp;

	Onlu da zanîn ku wateya peyva teretele talankirin e û qirkirin e û gelê Dersimê navê Roja Reş lê kiriye. Onlu diyar kir ku her cûre qirkirin û polîtîkaya pişaftinê û tunekirinê pêk hat û got: “Navê wê ne Tuncelî ye, navê wir Dersim e.”&nbsp;

	&nbsp;

	‘WÊ DEMÊ SIRGÛN NIHA JÎ FIROTINA ZAROKAN’&nbsp;

	&nbsp;

	&nbsp;Onlu da zanîn ku li gorî daneyên gelê Dersimê nêzî 100 hezar însan hatin qetilkirin û jinan şandin sirgûnê û got: “Ji zarokên 3 salî bigire heta kal û pîrên 90 salî 56 kes ji malbata min hatin qetilkirin. Dema mijar dibin kurd û elewî em dibînin çi tînin serê me. Wê demê digoqtin ‘eşqiya’ lê niha dibêjin ‘terorîst.’ Wê demê zarokên keçik wek ewlad didan malbatên eskeran. Lê niha zarokên kurd, elewî û êzidiyan li bazarên koleyan tên firotin.

	&nbsp;

	WÊ DEMÊ MUFETÎŞÊN UMUMÎ ÎRO JÎ QEYÛMAN TAYÎN DIKIN&nbsp;

	&nbsp;

	Li Lozanê înkara gelan kirin. Pişt re bi Destûra Bingehîn a 1924’an yekperestiyê li ser gelan ferz kirin. Li dijî kurd û elewiyan hiqûqa dijminahiyê ji wê demê ve dest pê kiriye. Di roja me ya îroyîn de jî AKP-MHP û Ergenekon dewama komkujiyên wê demê pêk tîne. Çawa di salên 1935’an de Mufetîşên Umumî, walî û fermandaran sirgûn dikirin, didarizandin û biryarên wek darvekirinê digirtin, îro jî walî û qeymeqaman wek qeyûm tayînî şûna hilbijêran dikin û heman biryarê wê de didin.”&nbsp;

	&nbsp;

	‘YÊN WÊ DEMÊ BÊDENG ÎRO JI BO ROJAVA BÊDENG IN’&nbsp;

	&nbsp;

	Onlu gotinên xwe bi dawî kir: “Yên ji komkujiya Dersimê re bêdeng man îro jî ji neheqî, bêhiqûqî, dagirkirinê û êrişên li dijî Rojava re bêdeng dimînin. Em ê wek şopdarên Seyîd Riza û hevrêyên wî li dijî polîtîkayên tinekirinê bêdeng nemînin û çongê daneynin.”&nbsp;

	&nbsp;

	&nbsp;

	&nbsp;

	&nbsp;