
Qeyûm tayînî şûna endamê meclisa şaredariyê jî kirin

2019-08-21 12:44:54


	AMED - Midurê Karê Nivîsan ê Qeymeqamiya Peyasê Mehmet Zulkuf Guler weke qeyûm tayînî şûna Endamê Meclisa Şaredariya Peyasê Adnan Akgul hat kirin.&nbsp;

	Wezareta Karên Hundir lêpirsînên ku bi angaşta "propaganda rêxistinê" kiriye, derbarê Endamê Meclisa Şaredariya Peyasê ya Adnan Akgul ê HDP'î de hatine vekirin, weke hincet nîşan da û ew ji peywir girt. &nbsp;Wezaretê, Midurê Karê Nivîsan ê Qeymeqamiya Peyasê Mehmet Zulkuf Guler weke qeyûm tayînî şûna Akgul kir.&nbsp;

	&nbsp;

	Hevşaredara Peyasê Kezban Yilmaz têkildarî mijarê li ser hesabê xwe yê Twîtterê vê daxuyaniyê da: "Midurê Karê Nivîsan ê Qeymeqamiya Peyasê weke qeyûm tayînî şûna endamê meclisa me Adnan Akgul ku bi awayî nehiqûqî peywira wî hatibû xespkirin, hat kirin. Tayînkirina qeyûman a şûna payeyên ku gel vîna xwe radestî wan kiriye; bi awayekî zelal nehezmkirin û delîla pergala dîktatoryal e."

	&nbsp;