
Rojnamegerên ku protestoyên li dijî qeyûman dişopandin hatin binçavkirin

2019-08-20 15:21:56


	MÊRDÎN - Rojnameger Ahmet Kanbal, Mehmet Şah Orûç, Roja Aydin, Nûrcan Yalçin û Halîme Parlak ku çalakiyên şermezarkirina tayînkirina qeyûman dişopandin, hatin binçavkirin.&nbsp;

	&nbsp;

	Polisan bi bombeyên gazê û av şid mudaxaleyî girseya ku bi armanca şermezarkirina tayînkirina qeyûm a şûna Hevşaredarê Mêrdînê, hate ber Şaredariya Bajarê Mezin a Mêrdînê, kir. Girseya ku parlamenter û hevşaredarên HDP'ê jî di nav hebûn, nêzî bînaya şaredariyê hatin gel hev. Bi sedan polisan, derdorê dorpêç kir û li ser berzkirina dûrişmeya "Tundî nikarin me têk bibin" mûdaxaleyî girseyê kirin. Piştî mudaxaleyê girseyî rêya di navbera Mêrdîn û Qoserê de ji trafîqê re girt. Di mudaxaleyê de gelek welatî birîndar bûn. Her wiha rewşa parlamenterên HDP'ê Tulay Hatîmogûllari, Serpîl Kemalbay û Pero Dundor Jî ji ber mudaxaleyê nebaş bû û ew rakirin nexweşxaneyê. Her sê parlamenter jî piştî demeke kurt ji nexweşxaneyê tabûrcî bûn. &nbsp;

	&nbsp;

	ROJNAMEGER BINÇAV KIRIN

	&nbsp;

	Li aliyê din polisan nûçegîhanên ajansa me Ahmet Kanbal û Mehmet Şah Orûç ku dixwestin bûyeran bikişînin, nûçegîhana Jinnewsê Rojda Aydin û rojnameger Nûrcan Yalçin û Halîme Parlak bi erdê ve kaş kirin û ew binçav kirin. Ji bilî her pênç rojnamegeran gelek welati jî ji aliyê polisan ve hatin binçavkirin.&nbsp;

	&nbsp;

	LI AMEDÊ JÎ ROJNAMEGEREK BINÇAVKIRIN

	&nbsp;

	Li Amedê jî rojnameger Yelda Ozbek dema ku çalakiyê şermezarkirina tayînkirina qeyûman dişopand, li semta ofîsê ya navçeya Yenîşehîrê ya Amedê ji aliyê polisên ve hat binçavkirin.&nbsp;

	&nbsp;