
Serokê dadgeha Demîrtaş didarizîne: Ez alî me     

2018-12-12 16:07:34


	ENQERE – Serokê dadgehê yê ku Selahattîn Demîrtaş didarizîne got “ez alî me”, li ser vê gotinê li salonê rageşiyê dest pê kir.&nbsp;

	Danişîna doza Hevserokê Giştî yê HDP’ê yê berê Selahattîn Demîrtaş li 19’emîn Dadgeha Cezayê Giran a Enqereyê piştî navbera nîvro dewam kir. Parêzeran têkildarî redkirina Demîrtaş a heyeta dadgehê parastina xwe domandin. Parêzeran hêceta daxwaza redkirinê aşkere kirin û mafê axaftinê girtin.&nbsp;

	&nbsp;

	Parêzer Mehmet Emîn Aktar di parastinê de wiha got: “Yê herî azad ku li vir e serê sibê axaftina xwe kir. Muhetmele ez ê nikaribim azad biaxivim.”

	&nbsp;

	Parêzer Aydin Erdogan got: “Pêkanîna biryara DMME’yê ne hewceyî tu erêkirin û destûrê ye. Wesfa biryara darazê teqez e. Organên darazê bi biryarên didin tên bîra mirov.”

	&nbsp;

	‘DIVÊ DAWÎ LI VÊ YEKÊ BÊ’&nbsp;

	&nbsp;

	Serokê Baroya Amedê Parêzer Cîhan Aydin jî destnîşan kir ku li cihek daraza serbixwe tune be û ewlehiya dadger tune be ne pêkane li wir behsa briyare adil û rast bê kirin û got: “Em dizanin vê biryara we ya redkirinê serdestê qeweta we ye. Lê encax divê dawî li vê yekê bêanîn.”

	&nbsp;

	‘BINPÊKIRINÊ DEWAM KIR’

	&nbsp;

	Parêzer Benan Molu jî têkildarî hêceta redkirina heyetê wiha got: “Biryara DMME di malpera fermî de jî hat weşandin û piştî weşandina biryarê we eleqedar dike. Bi netahliyekirin û pêknenanîna biryarê binpêkirinê dewam kiriye.”&nbsp;

	&nbsp;

	POLÎS BI KARTÊN ROJNAMEGERAN DI SALONÊ DE NE&nbsp;

	&nbsp;

	Di kêliya parastinê dewam dikir de karta rojnamegeriyê dane polîsan û di salonê de bûn. Ji ber vê yekê parêzer li ser piya man. Di navbera polîsan û serokê dadgehê de rageşî qewimî. Rojnamegerek li salonê danişînê dişopand wiha bertek nîşan da: “Nasnameya rojnamegeriyê didin polîsan. Danişîn tije polîs bûne.”&nbsp;

	&nbsp;

	Parêzer Alîşan Şahîn mafê axaftinê wergirt û wiha bertek nîşan da: “We dadgehê ji gel revand û anî vir. Tevî ku kursiyên vala hene û li gel em parêzerin jî em cihek rûniştinê nabînin.”&nbsp;

	&nbsp;

	SEROKÊ DADGEHÊ: EZ ALÎGIR IM&nbsp;

	&nbsp;

	Pişt re parêzeran rexneyên xwe yên serokê dadgehê alî digire domandin. Li ser vê yekê serokê dadgehê got “Ez alî me” û li salonê rageşiyê dest pê kir. Pişt re bi hêceta “pergala dadgeh xera bû” 10 deqîqe navberê dan danişînê.&nbsp;

	&nbsp;

	&nbsp;