
Li maleke xwendekaran bijîşkek hat kuştin 

2018-12-09 10:29:30


	&nbsp;

	XARPÊT - Cerahhê Giştî Doç. Dr. Mûstafa Gîrgîn li maleke xwendekaran hat kuştin. Der barê bûyerê de bijîşkeke jin û xwendekarek zanîngehê hat binçavkirin.&nbsp;

	&nbsp;

	Li navenda Xarpêtê li Kuçeya Tûncay a Taxa Naîlbeyê Cerahhê Giştî Doç. Dr. Mûsfa Gîrgîn li maleke xwendekaran hat kuştin. Li gorî îdiayan ji bo pirsgirêkekê gazî Gîrgîn hatiye kirin û hat derpêşkirin ku di dema nîqaşa li malê de hatiye kêrkirin. Piştî cînar hay jê çêbûn gazî polîsan kirin. Lê belê Gîrgîn li cihê bûyerê mir.&nbsp;

	&nbsp;

	Piştî bûyerê xwendekarê zanîngehê F.A. (23) û bijîşka pratîsyen Ç.G.B. hatin binçavkirin. Der barê bûyerê de lêpirsîn hat destpêkirin.&nbsp;