
Kobanî ji bo Efrînê meşiyan

2018-09-19 12:57:34


	KOBANÊ - Li Kobanê, ji 7 salî heya 70 salî hemû kes ji bo Efrînê meşiyan. Li bajêr dibistan ketin betlanê, hemû xwendekar, mamoste û nûnerên saziyan beşdarî meşê bûn. Gelê Erep ê li bajêr jî beşdarî meşê bûn.&nbsp;

	&nbsp;

	Kobaniyan, bi pêşengtiya Tevgera Civaka Demokratîk (TEV-DEM), ji bo rizgarkirina Efrînê meş lidar xistin. Bi hezaran kesên li ber Qada Peykera Jina Azad kom bû, posterên Rêberê PKK’ê Abdullah Ocalan, flamayên YPG, YPJ, QSD, TEV-DEM, PYD û TEV- ÇAND’ê, wêneyên kesên li Efrînê jiyana xwe ji dest dayîn, pankart û dovîzên balê dikişîne ser rewşa Efrîn û tecrîta girankirî ya li ser Rêberê PKK’ê Abdullah Ocalan hilgirtin. &nbsp;

	&nbsp;

	Li Kobanê ji derveyî firin û eczaxaneyan hemû cihên kar deriyên dikanên xwe girtin û beşdarî meşê bûn. Li bajêr dibistan ketin betlanê, hemû xwendekar, mamoste û nûnerên saziyan beşdarî meşê bûn. Gelê Erep ê li bajêr jî beşdarî meşê bûn. Welatiyên bi darê zorê Efrîn derk kiribûn jî di rêzên pêşîn ên meşê de cih girtin û girseyê bê navber dirûşema “Bijî berxwedana Efrînê” berz kirin. Meşa bi coşek mezin hat destpêkirin, li ber Qada Azadiyê bi dawî bû.&nbsp;

	&nbsp;

	Piştî meşê di axaftinên hatin kirin de, wiha hat gotin: “Ji bo tecrîta Girtîgeha Îmraliyê ya li ser Rêberê PKK’ê Abdullah Ocalan bi dawî bibe û Efrîn azad &nbsp;bibe, divê em têkoşîna xwe bilindtir bikin.”

	&nbsp;

	MA / Nazim Daştan

	&nbsp;