
Rojnamegerê girtî Guleş: Name û pirtûkên Kurdî qedexene!

2018-08-14 15:15:13


	XARPET - Rojnameger Mehmet Guleş ê li Girtîgeha Hejmara 1 a Xarpetê tê girtin, diyar kir ku name û pirtûkên kurdî nadin wî. Guleş da zanîn ku mafên wî tên xespkirin û got: “Girtiyek nexweş jî dinavê de 30 girtiyan li odeyên yek kesî de tên girtin.”

	Nûçegihanê Ajansa Nûçeyan a Dîcle ya bi KHK’ê hat girtin Mehmet Guleş, ji Girtîgeha Ewlekariya Bilind a Hejmar 1 a Xarpetê nameyek derbarê binpêkirina mafan ên li girtîgehê tên jiyîn de şand. Guleş di nameya şand de wiha got: “Em 30 girtî li odeyên yek kesî de tên girtin. Yek ji van girtiyan jî girtiyê nexweşîna &nbsp;KOAH Yaşar Kirmiz e. Ligel vê nexweşiya wî jî di hucreya yek kesî tê girtin. Berî 8 mehan sewqî vê girtîgehê hatin kirin. Ji roja hatim sirgûn kirin ve name û pirtûkên Kurdî nadin min. Tenê pirtûka ferhenga Kurçî dan min.” &nbsp; &nbsp;

	&nbsp;

	BINPÊKIRINÊN DI GIRTÎGEHÊ DE&nbsp;

	&nbsp;

	Guleş ê 21 mehin girtiye, binpêkirinên mafan wiha rêz kirin: “

	&nbsp;

	“*Rayedarên Girtîgehê destûr nadin em qadên civakê bikar bînin.&nbsp;

	&nbsp;

	* Girtîgeh veguheriya qada bazirganiyê. Dixwazin em hemû pêdiviyên xwe di girtîgehê de bikirin.&nbsp;

	&nbsp;

	* Ji nişkan ve bi ser odeyan de digirin û lêgerînê pêk tînin. Dest datînin ser nişeyên girtiyan.&nbsp;

	&nbsp;

	* Bi awayekê giştî bersivê nadin daxwaznameyên me.&nbsp;

	&nbsp;

	* Nameyên Kurdî û pirtûkên Kuydî nadin me.&nbsp;

	&nbsp;

	* Pêkanîna tecrîtê datînin ser girtiyên di hucreyê de."&nbsp;

	&nbsp;

	LÊKOLÎNEREK ELMAN HAT GIRTIN&nbsp;

	&nbsp;

	Guleş, di nameya xwe de bal kişand ser girtina welatiyekê Elman ê binavê Patrîck Kraîcker ê Bijîşkê Asîstan û wiha pê de çû: “Kraîcker lêkolînereke. Di 13’ê Adarê de li navçeya Sîlopî ya Şirnehê hat binçavkirin û di 28’ê Adarê de jî hat girtin û wî şandin Girtîgeha Tîpa T a Şirnexê. Kraîcker bi îdîaya ‘emdamtiya rêxistinê’ tê girtin. Bi tirkî nizane. Kesekê li gel wî ji bo wî daxwazname dinivîsîne. Heya niha bi tu awayî pirtûkên Elman û Îngîlîzî nedane wî û dê di 5’ê Cotmehê de yekem danişîna wî bê dîtin. Patrîck derbarê xwe de dibêje; ‘Ev welat pir xweşike, lê şereke bê sedem lê heye. Halbûkî Kurd, Tirk û hemû gelên li vî welatî dijîn dikarin bi awayekê azad çand û zimanê xwe bidin jiyîn. Ger wisan bibe tu pirsgirêk namîne. Ez li dijî çekeme. Ji ber vê min li welatê xwe leşkertî nekir. Ez dixwazin li hemû cîhanê aştî hebe.’” &nbsp;&nbsp;

	&nbsp;

	Guneş nameya xwe bi van hevokan bi dawî kir: “Ligel hemû binpêkirin û bêmafiyên heyî jî, emê tu carî dest ji têkoşîna xwe bernedin. Heya ji me we re emê têkoşîna xwe bilindtir bikin.”

	&nbsp;