
Jin xwe ji bo 25’ê Mijdarê amade dikin 

2025-11-19 15:35:16


	&nbsp;

	NAVENDA NÛÇEYAN - Li Amed, Wan û Antalyayê amadekariyên ji bo 25’ê Mijdarê berdewam kirin.&nbsp;

	&nbsp;

	Çalakî û xwepêşandanên jinan ên bi boneya 25’ê Mijdarê Roja Têkoşîna li Dijî Tundiya Ser Jinê ya Navneteweyî berdewam kirin.&nbsp;

	&nbsp;

	Platforma Jinan a Antalyayê, ji jinên girtî re qert şandin û starta çalakî û xwepêşdanên 25’ê Mijdarê da. Beriya wê, li avahiya Şaxa Egîtîm Senê daxuyanî hat dayin. Dîdem Erkivanç Turkay daxuyanî xwend û got ku 25’ê Mijdarê bûye sembola têkoşîna li dijî tundiya mêr, newekhevî û paşverûtiyê. Dîdem Erkivanç Turkay, diyar kir ku necezakirin rê li ber zêdebûna tundiyê vedike, mafê jiyanê yê jinan hedef digire û got: “Em ji bo wekhevî, azadî û jiyaneke bê tundî li qadan e.”&nbsp;

	&nbsp;

	BERNAMEYA ÇALAKIYAN

	&nbsp;

	Bi domdarî bernameya çalakî û xwepêşedanan wiha hate rêzkirin.&nbsp;

	&nbsp;

	*19’ê Mijdarê: Saet di 13.30’ê de dê ji jinên girtî re qert bên şandin.&nbsp;

	&nbsp;

	* 22’yê Mijdarê: Saet di 10.30’ê de dê di taştê de bên gel hev.&nbsp;

	&nbsp;

	* 23’yê Mijdarê: Saet di 13.00’ê de dê fîlmê ‘Vê Qelebalixê Bîne Bîra Xwe’ bê pêşandan.&nbsp;

	&nbsp;

	* 25’ê Mijdarê: Saet di 18.00’ê de dê meşa şevê bê lidarxistin.&nbsp;

	&nbsp;

	Piştre jî jinan li Postaxeneya Gullukê qert ji girtiyên jin re şandin.&nbsp;

	&nbsp;

	LI WAN Û AMEDÊ HEVDÎTINÊN JINAN

	&nbsp;

	Tevgera Jinên Azad (TJA) jî di çarçoveya çalakî û xwepêşedanan de li navçeya Tûşbayê ya Wanê û navçeyên Amedê Farqîn û Bismilê bi jinan re hevdîtin kir.&nbsp;

	&nbsp;