
Danişîna doza rojnameger Gok hat lidarxistin 

2025-09-11 10:17:30


	&nbsp;

	AMED - Danişîna doza rojnameger Abdurrahman Gok ku ji ber xebatên xwe yên pîşeyî û îdiayên îtîrafkar Umît Akbiyik tê darizandin, hat lidarxistin. Biryara qedexeya derketina derveyî welat a Gok nehate betalkirin.&nbsp;

	&nbsp;

	Danişîna 8’emîn a doza rojnameger Abdurrahman Gok ku ji ber xebatên xwe yên pîşeyî û îdiayên îtîrafkar Umît Akbiyik bi îdiayên “endamtiya rêxistinê” û “propagandaya rêxistinê” tê darizandin, li 5’emîn Dadgeha Cezayên Giran a Amedê hat lidarxistin. Gok û parêzerên wî Resûl Tamur û Mehmet Emîn Aktar di danişînê de amade bûn. Komeleya Rojnamegeran a Dîcle Firatê (DFG), Komeleya Medya û Xebatên Hiqûqê (MLSA) û hinek rojnamegeran jî danişîn şopandin.&nbsp;

	&nbsp;

	Gok, diyar kir ku ji ber biryara qedexeya derketina derveyî welat di cîbicîkirina pîşeya xwe de zehmetiyan dikişîne û got: “Carnan difikirim û dibêjim heke di girtîgehê de bûma dê baştir bûya. Qet nebûya dê min bigota ez di nava çar dîwaran de me. Hem li derve me û hem jî nikarim karê xwe bikim. Ev rewş rewşekî zehmet e.” Gok, xwest biryara qedexeyê were betalkirin.&nbsp;

	&nbsp;

	Parêzer Tamur û Aktar jî daxwazên bi heman rengî kirin. Dozger jî mutalaaya xwe da û xwest heman tevdîra kontrola edlî bidome.&nbsp;

	&nbsp;

	Gok, got: “Beriya niha heta danişîna biryarê tev li danişînan bûm. Piştre doz hate vekirin û tev li hemû danişînên wê jî bûm. Ez li vir ji dayik bûm, li vir mezin bûm û karê xwe li vir dikim. Dixwazim biryara qedexeya derketina derveyî welat were betalkirin.”&nbsp;

	&nbsp;

	TALOQÎ 25’Ê MIJDARÊ HATE KIRIN

	&nbsp;

	Dadgehê, biryar da ku aqûbeta lêpirsîna ji hêla Serdozgeriya Komarê ya Amedê ve hatiye vekirin were pirsîn. Daxwaza rakirina biryara qedexeya derketina derveyî welat hate redkirin û dadgehê danişîn taloqî 25’ê Mijdarê kir.&nbsp;

	&nbsp;

	Nûnerê Tirkiyeyê yê Rojnamegerên Sînornenas (RSF) Erol Onderoglû piştî danişînê axivî û ev tişt anî ziman: “Em dixwazin ku êdî zext li rojnamegerê hem li welat hem jî ji derveyî welat di şertên zehmet de agahî bi raya giştî re parve kirî û piştî kişandina dîmenên Kemal Kurt bi taybet hedef hatiye girtin, neyên kirin.”&nbsp;

	&nbsp;