NY’ê ji bo Şerîfe Mihemedî ji Îranê re name şand 

2025-08-31 13:53:26


	NAVENDA NÛÇEYAN - NY’ê têkildarî doza Şerîfe Mihemedî ji nûnertiya îranê yê NY’ê re nameyeke fermî şand. Di nameyê de hate gotin ku dosya di rojeva saziyên navneteweyî de ye û rapora bêhiqûqtiyên di pêvajoya darizandinê de hatiye amadekirin. 

	Kampanyaya ji bo Parastina Şerîfe Mihemedî bi daxuyaniyekê ragihand ku Rêxistina Lêkolîna Rastiyan a Neteweyên Yekbûyî (NY) têkildarî doza Şerîfe Mihemedî lêkolîn kiriye. Kampanyayê, diyar kir ku NY’ê nameyek fermî ji nûnerê Îranê yê li NY’ê şandiye û qala çend binpêkirinên cidî yên pêvajoya darizandina nerewa ya li Îranê û doza Şerîfe Mihemedî kiriye.

	 

	Di heman daxuyaniyê de hate ragihandin ku doza Şerîfe Mihemedî bala saziyên navneteweyî kişandiye ser xwe û neheqiyên ku di dema binçavkirin, lêpirsîn û darizandina wê de hatine kirin, bal kişandiye ser xwe. Rêxistinê destnîşan kir ku Şerîfe Mihemedî tenê ji ber xebata xwe ya aştîxwaz û çalakiyên xwe yên civakî bi cezayê darvekirinê re rû bi rû maye û got: “Divê civaka navneteweyî ji bo pêşîgirtina li pêkanîna van biryarên nemirovane zextê zêdetir bike. Ev zext dê ji bo şopandina pêvajoyê berdewam bike.”

	 

	Li gorî daxuyaniya dawî ya Kampanyaya Sêşema Na ji bo Darvekirinê, ji destpêka salê ve 627 kes li rojhilatê Kurdistan û Îranê hatine darvekirin.